Logo
14 Apr 2024    २ बैशाख २०८१, आईतवार

ताजा खबर

भारतले नेपाललाई दियो ३५ एम्बुलेन्स र ६६ स्कुल बस लिंग परिवर्तन गरेकाले मागे तेस्रोलिंगीको नागरिकता नयाँ बर्षको दिन नुवाकोटमा माङ्चेभुमे जात्रा ‘अब २४ सै घण्टा काठमाडौँ जाग्छ’: प्रमुख कार्यकारी अधिकृत परियार उत्पादन श्रमसँग शिक्षा जोड्न आवश्यक : प्रेम सुवाल इजरायलमाथि इरानको ड्रोन आक्रमण

संगठनको बदनाम गर्ने धमिरालाई कदापि छोडिदैन : महानिरीक्षक खनाल

admin

काठमाडौं, २५ असोज -प्रहरी महानिरीक्षक सर्वेन्द्र खनालले नेपाल प्रहरीको सेवामा रहेर संगठनको बदनाम गर्नेलाई त्यसै नछाडिने बताएका छन् । महानिरीक्षक खनालले संगठनको बदनाम गर्ने प्रहरीलाई किराजस्तै टपक्क टिपेर फाल्ने पनि बताए ।

ट्राफिक प्रहरी र्‍यापिड स्क्वाड विशेष कार्यक्रमको उद्घाटन गर्दै महानिरीक्षक खनालले पछिल्लो पटक संगठनको बदनाम गर्ने प्रहरीमाथि निगरानी बढाउँदै गएको बताए। उनले संगठनभित्र रहेर अनियमितता गर्ने,पदीय हैसियत बिर्सेर काम गर्ने प्रत्येक प्रहरीलाई कडा कारबाही गरिने बताए।

‘कारबाही सुरुवात गरिसकेका छौँ, अब यो अभियान कसैले रोकेर रोकिदैन’ उनले भने,‘संगठनको बदनाम गर्ने धमिरालाई कदापि छोडिदैन।’

ठेकेदार, दलालसँग कुनै प्रहरीको संलग्नता भए जागिर छाडेर त्यही पेशा अपनाउनुपर्ने उनले बताए। ‘विदेश जाने, दलाली गर्ने, तस्करी गर्ने मन भए जागिर छोड्दा राम्रो हुन्छ’ उनले भने,‘प्रहरीको जागिर खाएर तस्करी गर्छु भन्ने कसैले सोचेको छ भने,त्यो हुन दिनवाला छैन।’

आफैँ सुध्रेर संगठनप्रति इमान्दार रहनसमेत उनले प्रत्येक प्रहरीलाई निर्देशन दिए। ‘स्वपरिवर्तन हुन राम्रो’ उनले भने,‘सप्रिन निर्देशन दिँदा राम्रो सन्देश जान्दैन,यदि बदनाम हुने कार्य गरेमा त्यो क्षम्य हुनेवाला छैन।’

खरो रुपमा प्रस्तुत भएका महानिरीक्षक खनालले चाडबाडलाई मध्यनजर गर्दै ट्राफिक प्रहरी र्‍यापिड स्क्वाड परिचालन गरिएको उल्लेख गर्दै रयापिड स्क्वाडमा खटिनेहरुले द्रुत रुपमा सेवा प्रवाह गर्नुपर्ने बताए ।


लोकप्रिय समाचार
ताजा समाचार
धेरै पढिएको