म्याग्दी भ्रमण बर्ष २०७५ लाई सफल बनाउनको लागि ‘म्याग्दीको बयान’ बोलको गीत सार्वजनिक गरिएको छ ।म्याग्दीलाई पर्यटकिय स्थलको रुपमा चिनाऊन यसै सेरोफेरोमा रहेर यस गीतलाई निर्माण गरिएको छ ।
म्याग्दीकै युवा गीतकार विपिन पौडेलको उत्कृष्ट शब्द सृर्जना तथा संगीतमा ‘म्याग्दीको बयान’गीत तयार पारिएको हो । गीतमा झलक बिरही र कृष्ण परियारको स्वर रहेको छ।गीतमा जिल्लाको विभिन्न पर्यटकीय स्थानलाई समावेस गरिएको छ ।
निकै सुन्दर तरिकाले निर्माण गरिएको भिडियोमा नायक राहुल के.सी र मोडल दिपाशा बिसिको अभिनय रहेको छ। भिडियोमा राजु के.सी.को छायाँकन तथा निर्देशन रहेको छ । यस गीतलाई दिपाशा बिसिले नूत्य निर्देशन गरेकी हुन् । भिडियोलाई अक्की शर्माले सम्पादन गरेका हुन् ।
म्याग्दी जिल्लाको विभिन्न पर्यटकीय स्थानलाई समावेस गरिएको यस भिडियोमा सम्पूर्ण म्याग्दी बासी मात्र नभएर सम्पूर्ण गीत संगीत प्रेमीहरुले गीतलाई रुचाउने निर्देशक राजु केसीले बताए ।
भिडियो :
