पर्यटन व्यबसायी ठाकुरप्रसाद ढुंगानाले गैरआवासीय नेपाली संघ अन्तराष्ट्रिय समन्वय समिति (एनआरएनए आईसीसी) को २०२३-२०२५ कार्यकालको लागी कोषाध्यक्ष पदमा उम्मेदवारी घोषणा गरेका छन् । आगामी अक्टोबरमा हुन गईरहेको एनआरएनए आईसीसीको ११ औं महाधिबेशनका लागि ढुंगानाले कोषाध्यक्षमा उम्मेदवारी घोषणा गरेका हुन् ।
एनआरएनए एनसीसी युएईका अध्यक्ष रहेका ढुंगानाले एनआरएनए यूएईको अधिबेशन सफलतापुर्वक सम्पन्न गरि आफुले एनआरएनए अभियानमा गरेका काम र अनुभवलाई थप उचाईमा पु¥याउनका लागि कोषाध्यक्ष पदमा जाने निर्णयमा पुगेको बताए ।
कोरोना महामारीका बेला विशेष गरि खाडी मुलुकहरुका श्रमिकहरुसँग नजिक रहेर काम गरेका ढुंगानाले आफ्नो सक्रियता देखाइसकेका छन् । दुई कार्यकाल आइसीसी सदस्य भएर एनआरएनए अभियानमा निखारिएका समाजसेवी समेत रहेका ढुंगाना लोकप्रिय छन् ।
एनआरएनएको मर्म र विधिविधान अनुसार आफ्नो जिम्मेवारी पुरा गर्न प्रतिवद्ध रहेको जानकारी दिदै ढुंगानाले एनआरएनएमा आर्थिक पारदर्शिता, आर्थिक आत्मनिर्भरता, सदस्यता शुल्कमा न्युनिकरण र श्रमिकमैत्री कार्यक्रमलाई प्रमुख प्राथमिकता राख्ने जनाएका छन् ।
