काठमाडौं । राष्ट्रिय प्रजातन्त्र पार्टी (राप्रपा) ले बुधबार काठमाडौंमा प्रर्दशन गरिरहेको छ । हिन्दू राष्ट्र, राजसंस्था पुनस्थापना, भ्रष्टाचार, संघीयता खारेजी र गौहत्या विरोध गर्दै भृकुटीमण्डपमा प्रदर्शन गरिएको हो । राप्रपाद्वारा आयोजित जनप्रदर्शन तथा विरोध सभालाई अध्यक्ष राजेन्द्र लिङदेनलाई शीर्ष नेताहरूले सम्बोधन गर्नेछन् । राप्रपाका प्रवक्ता ज्ञानेन्द्र शाहीले गौहत्या गर्नेमाथि कारबाही नभएसम्म देशभर आन्दोलन नरोक्ने उद्घोष गरे । र्यालीमा राष्ट्रिय युवा मोर्चाले समेत सहभागिता जनाएको छ ।
राष्ट्रिय युवा मोर्चा(राप्रपा) का उपाध्यक्ष दिक्पाल जंग थापाले र्यालीका क्रममा सञ्चारकर्मीसँग कुरा गर्दै उनले भने, ‘गौ हत्यारालाई गृहमन्त्रीले कारबाही नगरेसम्म देशभर आन्दोलन हुन्छ, गौ काण्डका मुख्य दोषी पक्राउ गर्नुपर्छ । गाई हाम्री राष्ट्रिय जनावर हो देशमा धर्म द्दोन्द्द सृजना गर्ने मुख्य नाइकेहरूले उन्मुक्ति पाइरहेका छन् । साथसाथै विभिन्न भ्रष्टाचारको काण्ड छन् । त्यो अन्त्य नभएसम्म रोकिँदैन ।’
