ललितपुर, – सितोरियो कराते संघ शाखा डोजो भारदेउले ललितपुरको भारदेउमा आयोजना गरेको दोस्रो कोन्ज्योसोम खुला कराते प्रतियोगितामा आयोजक भारदेउ टिमले ५ स्वर्ण, ६ रजत र २ कास्य पदक जित्दै टिम च्याम्पियनशिपको ट्रफी जितेको छ । त्यस्तै उक्त प्रतियोगितामा ५ स्वर्ण, ४ रजत र ६ कास्य पदक सहित प्रयाग पोखरी डोजो दोस्रो र ४ स्वर्ण, ३ रजत र १ कास्य पदक सहित काभ्रे डोजोले तेस्रो स्थान हासिल गरेका छन् । प्रतियोगिता अन्तर्गत पुरुष तर्फको खेलमा ठिमी डोजोका शिरिस श्रेष्ठ र महिलामा भारदेउ डोजोकी अस्मिता तमाङ उत्कृष्ट खेलाडी घोशित भएका छन् । त्यस्तै प्रतियोगिता अन्तर्गत प्रगतीकिरण स्कुलका सन्तोष मल्ल र गंगाजमुना स्कुलकी सुप्रभा थापा क्रमश पुरुष र महिला तर्फको उदयीमान खेलाडी घोशित भए ।
लोकप्रिय समाचार
