अर्थमन्त्री प्रकाशशरण महतले देशको अर्थतन्त्रमा क्रमिक सुधार भइरहेको बताउनु भएको छ । शनिबार जनकपुरधाम उद्योग बाणिज्य संघको ५६औं वार्षिक साधारणसभालाई सम्बोधन गर्दै उहाँले देशको आर्थिक अवस्था सुधारोन्मुख अवस्थामा रहेको बताउनुभयो । उहाँले आम्दानीभन्दा खर्च बढी रहेका कारण देशको आर्थिक अवस्था कमजोर हुन गएकाले अब सरकारले खर्चलाई व्यवस्थित गर्ने बताउनुभयो ।
अर्थमन्त्री महतले प्रमुख आम्दानीको श्रोत राजश्व संकलन हुन नसकेको बताउनुभयो । उहाँले अहिले पूँजीगत लगानी ३ सय २ अर्ब र ऋण साबा ब्याजको खर्चमात्रै ३ सय ७ अर्ब रहेको जानकारी दिनुभयो । कार्यक्रममा एमाले नेतृ जुली महतोले बजेटमा सरकारले मधेश सरकारलाई विभेद गरेको भन्दै जनकपुरधामको विकास बजेटमा कन्जुसाई नगर्न आग्रह गर्नुभयो ।
लोकप्रिय समाचार
