काठमाडौं महानगरपालिकाले यस वर्षको तिहारमा फूल व्यापारीहरुका लागि चार वटा स्थान तोकिदिएको छ । तीनकुने, बबरमहल, भृकुटीमण्डप र बालाजुबाट फूल माला बेच्न पाइने गरी स्थान तोकिएको छ । तर, उपभोक्ता र फूल व्यापारीहरु महानगरको व्यवस्थाप्रति अनभिज्ञ हुँदा व्यापारी र उपभोक्ता मारमा परेका छन् । बिगतका वर्षहरुमा तिहारको बेला सडक सडकमा बसेर फूल बेच्ने व्यापारीहरुलाई यस पटक महानगरपालिकाले भृकुटीमण्डप तोकिदिएपछिको स्थानीयको पिरमा छन् । हानगरपालिकाले उपभोक्ता र व्यापारीहरुलाई सहज होस भनेर भृकुटीमण्डप तोकिदिए पनि नगरप्रहरीले नयाँ सडकका फुल व्यापारीहरुलाई एकाबिहानै नियन्त्रणमा लिई भृकुटीमण्डप लगेपछि उनीहरुले विरोध जनाएका थिए । व्यापारीलाई महानगरले लखेट्दा अति नै नराम्रो भएको बताउनुभयो आशिष थापा बताउनुहुन्छ ।
व्यापारी मात्रै होइन सडक र चोक चोकबाट फूल किन्दै आएका उपभोक्ता पनि महानगरपालिकाको नियमप्रति सन्तुष्ट देखिएका छैनन् । विगत १५ बर्षदेखि तिहारमा सयपत्री फलूको वयापार गदै आएका ललितपुरकी ६५ बर्षिया देबी पन्त पनि तिहारका लागि ज्यालामा माला उन्न लगाई बिक्री गर्न काठमाडौं आउँदा बिक्रीस्थल परिवर्तनका कारण निरास बनिन् ।
केही दिन यता फूल टिप्न भ्याइ नभ्याई गरी व्यापारका लागि काठमाडौं आएका अन्य फूल व्यापारीहरु पनि एउटा निश्चित ठाउँमा बसेर फूल माला बेच्नुपर्ने नियमप्रति सन्तुष्ट देखिएनन् । तिहारका लागि विद्यालय छुट्टि भएपछि त्यसको सदुपयोग गर्नेगरी फूलको बेच्न आएका यी बालकहरु पनि घुमिफिरी फुलमाला बेच्न नपाएकोमा यसो भन्छन् । भृकुटीमण्डपबाट फूल माला किन्ने व्यवस्था गरिएको महानगरपालिकाको व्यवस्थाप्रति अनभिज्ञ उपभोक्ताहरु पनि यता र उता भौंतारिनु परेको भन्दै दिक्दारी व्यक्त गरेका छन् । सडक व्यापारप्रति निकै कठोर बन्दै आएको महानगरपालिकाले चाडबार्डको बेला पनि सोही नीति अवलम्बन गरेको देखिन्छ । तर, यसले चाडपर्वका उपभोक्ता र ब्यापारीहरुलाई भने मर्का पारेको बुझ्न कठीन छैन ।
