एजेन्सी–अग्लो शरीर अनि झ्याप्ले कपाल । मैदानमा विपक्षीटिम लाई हैरान बनाउन माहिर । सन् २००० को दशकमा विश्व फुटबलमा डिडियर ड्रोग्बाले यही पहिचान बनाए । उनी मैदानमा डटेर खेल्ने खेलाडीमध्य्ए एक हुन । ड्रोग्बाको मेहनतको फलस्वरुप अफ्रिकी मूलुक आइभोरी कोस्टले विश्व फुटबलका ठूलो छलाङ मार्यो ।
आइभोरी कोस्टका यिनै महान फुटबलर ड्रोग्बाले बुधबार राती सबैखाले फुटबलबाट सन्यासको घोषणा गरे।
चार बर्षअघि राष्ट्रिय टोलीबाट सन्यास लिएका ४० बर्षीय ड्रोग्बाले क्लब फुटबलबाट पनि सन्यास लिएका छन । ‘२० बर्ष लामो फुटबल खेललाई मैले विट मार्ने निर्णय गरें । फुटबलले दिएको सफताबाट म सन्तुष्ट छु । बाँकी समय फुटबलमै कुनै न कुनै भूमिकामा रहनेछु,’ ड्रोग्बाले बताए ।
सन् २००२ देखि २०१४ सम्म आइभोरी कोस्टको राष्ट्रिय टोलीमा पहिलो रोजाईका खेलाडी ड्रोग्बाले टोलीमा रहदा महत्वपूर्ण योगदान दिए ।
सन् २००६, २०१० र २०१४ को विश्वकपमा उनी आइभोरी कोस्टका मुख्य खेलाडी थिए । उनकै नेतृत्वमा आइभोरी कोस्ट सन् २००६ र २०१२ मा अफ्रिकन कप अफ नेशनको फाइनलमा पुग्न सफल रह्यो । तर, संयोग वस दुवै पटक आइभोरी कोस्ट फाइनलमा पेनाल्टीमा पराजित भयो ।
आइभोरी कोस्टका लागि १०४ खेल खेल्दै ६५ गोल गरेका ड्रोग्बाले सन् २०१४ को ब्राजिल विश्वकप पछि राष्ट्रिय टोलीबाट सन्यासको घोषणा गरेका थिए ।
जवानीमा उनले इङ्लिस प्रिमियर लिगमा चेल्सीका लागि नौ बर्ष खेले । चेल्सीका लिजेण्ड उनले चेल्सीमा खेलेका तीन सय ८१ खेलमा एक सय ६४ गोल गरेका थिए । उनले चार पटक त चेल्सीलाई प्रिमियर लिगको उपाधि समेत दिलाएका थिए ।
क्यारियरको पछिल्लो १८ महिना उनी अमेरिकी फुटबल क्लब फोनिक्स राईजिङमा सक्रिय रहेका थिए ।
