Logo
20 Jul 2024    ५ श्रावण २०८१, शनिबार

ताजा खबर

गायिका सुमी पराजुलीको ‘लुकामारी’ सार्वजनिक(भिडियो) जिग्री पाँडे टिमको ‘लाज शरणम्’ निर्माणको घोषणा सामाजिक सुरक्षा कोषले अधिकतम ७.५ प्रतिशतको ब्याजदरमै सापटी दिने बंगलादेशमा हिंस्रक आन्दोलन थप चर्कियो,कम्तीमा २५ को मृत्यु राष्ट्रिय सभा बैठक बस्दै किरण माइकल घिमिरेको लेखन तथा निर्देशनमा वेभ सिरिज ‘मोड’ बन्ने

कराँचीस्थित चिनियाँ महावाणिज्यदूतावासमा आतंकवादी हमला

admin

कराँचीस्थित चिनियाँ महावाणिज्यदूतावासमा आतंकवादी हमला

इस्लामावाद, मंसिर ७ । पाकिस्तानको कराँची सहरस्थित चिनियाँ महावाणिज्य दूतावासमा भएको आतंकवादी हमलाको प्रयासलाई सुरक्षाकर्मीको टोलीले विफल तुल्याएको छ ।

शुक्रबार महावाणिज्य दूतावास परिसरमा हतियारसहित प्रवेश गर्न खोजेका लडाकु र सुरक्षाकर्मीबीच केहीबेर घमासान भिडन्तसमेत भएको थियो । घटनामा दुई सुरक्षाकर्मीको मृत्यु भएको जनाइएको छ ।

सुरक्षा कारवाहीमा हमलाकारीसमेत मारिएका छन् । सुरक्षा अधिकारीहरुका अनुसार एक प्रहरी घाइते भएका छन् ।

घटनामा चिनियाँ महावाणिज्य दूतावासका कर्मचारी तथा कुटनीतिज्ञ सुरक्षित रहेको बताइएको छ ।

एकाबिहानै महावाणिज्य दूतावास अगाडी विस्फोट भएको थियो । स्थानीय संचारमाध्यमका अनुसार विस्फोट लगत्तै हतियारधारीहरु महावाणिज्य दूतावासभित्र प्रवेश गर्न खोजेका थिए । महावाणिज्य दूतावासको सुरक्षार्थ तैनाथ सुरक्षाकर्मीको टोलीले उनीहरुमाथि जवाफी हमला गरेको थियो ।

पृथकतावादी संगठन बलोच लिबरेशन आर्मीले सो हमलाको जिम्मा लिएको स्थानीय संचारमाध्यमले बताएका छन् । उक्त संगठनका प्रवक्ताले स्थानीय संचारमाध्यमलाई फोनबाट हमलाको जिम्मेवारीबारे जानकारी गराएको जनाइएको छ । (एजेन्सी)


लोकप्रिय समाचार
ताजा समाचार
धेरै पढिएको