काठमाण्डु, ४ मंसिर– प्यालेस्टिनी अतिवादी समूह हमासले इजरायलबाट अपहरण गरेका नेपालका विपीन जोशी सकुशल रहेको पुष्टि भएको छ ।
इसराइली डिफेन्स फोर्स (आइडिएफ) ले जोशी सकुशल रहेको जनाएको हो । तेलअभिभस्थित नेपाली दूतावासले एक विज्ञप्ति जारी गर्दै आइडिएफ प्रवक्ताले हमासले बन्धक बनाएकामध्ये जोशी समेत रहेको दूतावासलाई जानकारी दिएको उल्लेख छ ।
‘हमास समूहले आक्रमण गरी बन्धक बनाएर गाजातर्फ लगेकाहरु मध्येमा नेपाली विद्यार्थी श्री विपिन जोशी पनि रहेको ईजरायल डिफेन्स फोर्सका प्रवक्ताले जानकारी दिएका छन्,’ दूतावासले भनेको छ । दूतावासले जोशी हालसम्म पनि सम्पर्कविहीन रहेकाले पछिल्लो अवस्थाबारे यकिन गर्न नसकिएको तर, खोजी जारी रहेको जनाएको छ ।
गत ७ अक्टोबरमा दक्षिणी इजरायलको किब्बुज–अलुमिममा हमास समूहले आक्रमण गर्दा नेपालका १० कृषि विद्यार्थीको ज्यान गएको थियो ।
