रुपन्देही, मंसिर ७ ।
प्रदेश नं ५ का मुख्यमन्त्री शङ्कर पोखरेलले गुरु नानक र शिख धर्मका ऐतिहासिक धार्मिक ग्रन्थ र निधिको संरक्षण गर्नु हामी सबैको दायित्व र कर्तव्य भएको बताएका छन् ।
श्री गुरु नानकको ५५०औँ जन्मजयन्तीका अवसरमा आज शुभकामना सन्देश दिँदै उनले काठमाडौँका विभिन्न स्थानमा रहेका प्राचीन गुरु नानक मठमा हस्तलिखित गुरुग्रन्थ रहेका र पूरै भारतका सबै गुरु दरबारमा दर्शनका लागि उपलब्ध हुन नसकेका हस्तलिखित गुरुग्रन्थहरु समेत काठमाडौंका मठ मन्दिरमा रहनु गौरवको विषय रहेको बताए ।
नेपाल सांस्कृतिक विविधतायुक्त मुलुक भएको बताउँदै उनले धार्मिक र सांस्कृतिक विविधताले रङ्गिएको हाम्रो मुलुकमा सबै धर्मको सम्मान र संस्कृतिको जगेर्ना हुने वातावरण तयार भएको जनाए ।
लोकप्रिय समाचार
