Logo
30 Apr 2025    १७ बैशाख २०८२, बुधबार

ताजा खबर

आज अक्षय तृतीया, सातु र सर्वत दान गरेर मनाइँदै छात्रवृत्ति विवरण पेस गर्न विद्यालयहरूलाई काठमाडौं महानगरको अनुरोध “मिसेस नेपाल अस्ट्रेलिया” हुदै ,आवेदन फारम खुल्ला वैशाख १९ मा राष्ट्रपति पौडेलले संयुक्त सदन बैठकलाई सम्बोधन गर्ने १८ महिनापछि प्रतिनिधि सभाबाट भन्सार विधेयक पारित नेपालमा मानवअधिकार कार्यान्वयनको अवस्था चिन्ताजनक : एम्नेस्टी इन्टरनेसनल

आजबाट लैंगिक हिंसाविरुद्धको १६ दिने अभियान सुरु

admin

gender

काठमाडौं ।
लैंगिक हिंसाविरुद्धको १६ दिने अभियान आजबाट सुरु भएको छ । ‘लैंगिक हिंसा र दुर्व्यबहार, छैन हामीलाई स्वीकार’ भन्ने मूल नाराका साथ १६ दिने अभियान सुरु भएको छ ।

नेपालमा २०५४ सालदेखि महिला तथा बालिकाको मानव अधिकारको संरक्षणको निम्ति, उनीहरुको सम्मानपूर्वक बाँच्न पाउने अधिकार सुनिश्चित गर्न तथा विकासको समान साझेदारको रुपमा स्थापित गरी लैंगिक समानता कायम गर्न नोभेम्बर २५ देखि डिसेम्बर १० सम्म लैंगिक हिंसाविरुद्धमा विविध सचेतनामूलक कार्यक्रम गरिँदै यो अभियान सन्चालन गरिदै आएको छ ।

संघीय सरकारका मन्त्रालय, सातवटै प्रदेश सरकार, सबै जिल्ला समन्वय समितिले विभिन्न कार्यक्रम गरी सामाजिक सचेतना अभियान संचालन गर्ने महिला, बालबालिका तथा जेष्ठ नागरिक मन्त्रालयले जानकारी गराएको छ ।

यसैबीच लैंगिक हिंसाविरुद्धको १६ दिने अभियानको अवसरमा प्रधानमन्त्री केपी शर्मा ओलीले आफ्नु सन्देश जारी गर्दै नेपालले महिला हक, अधिकारको संरक्षणमा ठूलो उपलब्धि हासिल गरेको बताएका छन् ।

मानव अधिकारको विश्वव्यापी घोषणा १९४८, राजनीतिक तथा नागरिक एवं आर्थिक सामाजिक तथा सांस्कृतिक अधिकारसम्बन्धी अनुवन्ध १९९६ र महिला विरुद्ध हुने सबै प्रकारका भेदभाव अन्त्य गर्ने महासन्धी १९७९ को नेपाल पक्ष राष्ट्र भएकाले यी महासन्धीको सरकारले पूर्ण रुपमा पालना गर्ने प्रधानमन्त्री ओलीले प्रतिवद्धता ब्यक्त गरेका छन् ।

प्रधानमन्त्री ओलीले सरकारले महिलाविरुद्ध हुने सबै किसिमका हिंसाप्रति शून्य सहनशिलताको नीति अवलम्बन गरेको समेत स्पष्ट पारेका छन् ।


लोकप्रिय समाचार
ताजा समाचार
धेरै पढिएको