जनकपुर ।
जनकपुरस्थित ऐतिहासिक तथा पुरातात्विक महत्वको जानकी मन्दिरको सौन्दर्यकरण सुरु गरिएको छ ।
प्रदेश नं २ का मुख्यमन्त्री लालबाबु राउतले एक समारोहबीच हिन्दु बौद्ध परम्परा अनुसार मन्दिर सौन्दर्यकरणको शुभारम्भ गरेका हुन ।
प्रदेश सरकारको मुख्यमन्त्री स्वच्छता अभियान अन्तर्गत ८ करोड १५ लाखको लागतमा मन्दिरको सौन्दर्यकरणका लागि फ्लोर, गेट तथा ढल निकासको काम गर्ने गरिनेछ ।
यस्तै मन्दिरको गर्भ गृह र प्रांगणमा ग्रेनाइट बिच्छ्याउनुको साथै मुख्य ३ वटै द्वारमा व्यवस्थित द्वार निर्माण गरिनेछ ।
कार्यक्रममा बोल्दै मुख्यमन्त्री राउतले मन्दिरको सुन्दरता बढाउने कार्यका लागि चाहिने आवश्यक खर्च प्रदेश सरकारले व्यहोर्ने प्रतिबद्धता जनाए ।
निर्माणको ठेक्का काठमाडौस्थित प्रेरा जेभी रन्जनलाई दिइएको छ ।
लोकप्रिय समाचार
