उच्च अदालत पाटनले भेपमार्फत भएको सुन तस्करीको मुद्दामा जिल्ला अदालत काठमाडौँको राहुल महरालाई थुनामा पठाउने थुनछेक आदेश सदर गरेको छ ।
न्यायाधीश अञ्जु उप्रेती ढकाल र दीपेन्द्र अधिकारीको आज बसेको संयुक्त इजलासले जिल्ला अदालत काठमाडौँको महरालाई थुनामा पठाउने आदेश सदर गरेको हो ।
उच्च अदालत आजको आदेशसँगै पक्राउ परेका महरा थुनामा नै रहने भएका छन् । अनुसन्धानका क्रममा पक्राउ परेका पूर्वसभामुख कृष्णबहादुर महराका छोरा राहुल जिल्ला अदालत काठमाडौँको आदेशपछि थुनामै रहेका थिए ।
राहुलमाथि आपराधिक विश्वासघात, भन्सार चोरी पैठारी र संगठित अपराधको अभियोगमा मुद्दा चलेको थियो ।
लोकप्रिय समाचार
