Logo
28 Feb 2024    १६ फाल्गुन २०८०, बुधबार

ताजा खबर

नेदरल्यान्ड्ससँग नेपाल २ रनले पराजित पक्राउ परेकालाई रिहा नगरे सबै बैंकरले पेन डाउन गर्ने खुल्यो कुलेखानी–फाखेल सडक ६२० किलो गाँजा बरामद काठमाडौंका यी स्थानमा आजदेखि २२ गतेसम्म विद्युत् सेवा अवरुद्ध हुने लेबनानलाई हराउँदै नेपाल वाफ च्याम्पियनसिपको फाइनलमा

‘भिएस् अन्तर विद्यालय फुटसल’ प्रतियोगिता सम्पन्न

Reporter

विश्व शिक्षा सदन स्कुलको आयोजना तथा विनायक सिद्ध कलेजको व्यवस्थापनमा सम्पन्न प्रथम भिएस् अन्तर विद्यालय फुटसल सेभेन ए साइड टुर्नामेन्ट प्रतियोगिताको उपाधी मनकामना माविले जितेको छ ।

भाटभटिनी फुटसल ग्राउन्डमा सम्पन्न सेभेन ए साइड टुर्नामेन्ट प्रतियोगितामा मनकामनाले सांग्रिला पब्लिक स्कुललाई पेनाल्टी सुटआउटमा हराउँदै उपाधि जितेको हो ।

उक्त विजेताहरूलाई प्रमुख अतिथि दुर्गा प्रसाई तथा विशेष अतिथि विष्णु पराजुलीले ट्रफी, मेडल, प्रमाणपत्र तथा नगद राशीसहित पुरस्कृत गर्नुभएको थियो । त्यस्तै, प्रथम मनकामना माविलाई ट्रफी, मेडल, सटिफिकेट सहित पन्ध्र हजार रूपैयाँ पुरस्कार प्रदान गरिएको थियो भने, दोस्रो सांग्रिला पब्लिक स्कुलले ट्रफी, मेडल र दश हजार रूपैयाँ पुरस्कार प्राप्त गरेको छ ।

दुई दिनसम्म भएको प्रतियोगितामा विभिन्न विद्यालय तथा कलेजहरूका ३१ वटा टोलीको सहभागीता रहेको विनायक  सिद्ध कलेका कोअडिनेटर विनय सिंखडाले जानकारी दिनुभयो  । उहाँका अनुसार उक्त प्रतियोगितामा सांग्रिला पब्लिक स्कुलका मनिष थापा उत्कृष्ट गोल किप्पर भएका थिए उनले ट्रफि मेडल र पन्ध्र सय रूपैयाँ पुरस्कार पाएका थिए ।

त्यस्तै, सर्वाधिक गोलकर्ताका रूपमा सांग्रिला पब्लिक स्कुलका गम्भीर तामाङ रहेका थिए, उनले  ट्रफि मेडल र पन्ध्र सय रूपैयाँ पुरस्कार पाएका थिए । आइतबार सम्पन्न खेलमा उत्कृष्ट खेलाडीका रूपमा मनकामना माविका दोर्जे तामाङ रहेका थिए, उनले ट्रफि मेडल र पन्ध्र सय रूपैयाँ पुरस्कार पाएका थिए ।


लोकप्रिय समाचार
ताजा समाचार
धेरै पढिएको