सर्लाहीको नवलपुर-मलंगवा सडकखण्डअन्तर्गत चमेलीमाई मन्दिरनजिक सोमबार साँझ नापी अधिकृतसहित अन्य कर्मचारी चढेको गाडी दुर्घटना हुँदा नापी कार्यालय मलंगवाका प्रमुख सञ्जय मानन्धरसहित १० जना घाइते भएका छन् ।
नापी कार्यालय मलंगवाका कर्मचारी सवार गाडी कविलासी नगरपालिका-१० सलेमपुरस्थित चमेली माई मन्दिरनजिक उखु लोड गरिएको गाडीसँग ठोक्किँदा दुर्घटना भएको हो ।
दुर्घटनामा गाडी पूर्ण रूपमा क्षतिग्रस्त बनेको छ । घाइते सबैलाई थप उपचारका लागि वीरगन्ज पठाइएको प्रमुख जिल्ला अधिकारी कोमलप्रसाद धमलाले जानकारी दिए ।
लोकप्रिय समाचार
