Logo
16 Jul 2024    १ श्रावण २०८१, मंगलवार

ताजा खबर

भारतीय प्रधानमन्त्री मोदीले दिए प्रधानमन्त्री ओलीलाई बधाई बाणिज्य बैंकहरुले घटाए साउनका लागि ब्याजदर प्रधानमन्त्री ओली सहित २१ मन्त्रिले लिए सपथ ओलीलाई प्रधानमन्त्री नियुक्त गर्नु असंवैधानिक भएको दाबी गर्दै सर्वोच्चमा रिट कोपा अमेरिकाको उपाधि अर्जेन्टिनालाई इङ्ग्ल्यान्डलाई २-१ गोलले हराउँदै स्पेनले जित्यो युरो कपको उपाधि

दुई सय जनालाई आयोडिनयुक्त नुन निःशुल्क वितरण

Reporter

आयोडिनयुक्त नुनको प्रवर्द्धन तथा जनचेतना अभिवृद्धि गर्ने उद्देश्यले ‘फेब्रुअरी’ महिनालाई आयोडिन महिनाका रूपमा हुम्लाका स्थानीय तहले विभिन्न कार्यक्रमको आयोजना गरी मनाउन सुरुआत गरेका छन् । यो कार्यक्रम नेपाल सरकार स्वास्थ्य तथा जनसङ्ख्या मन्त्रालयसहित सम्बन्धित निकायको रहेकाले जिल्लाको ताँजकोट गाउँपालिकामा विभिन्न कार्यक्रम गरी मनाइएको छ ।

‘थोरै खाऔँ, सही मात्रामा खाऔँ, दुई बालबालिका चिह्न अङ्कित आयोडिनयुक्त नुन नै खाऔँ’ भन्ने नाराका साथ ताँजकोटमा रहेका दुई सय जनालाई आयोडिनयुक्त नुन निःशुल्क वितरण गरिएको गाउँपालिका स्वास्थ्य संयोजक धनराज ढकालले बताए ।

गर्भवती, सुत्केरी, किशोरावस्था र अन्य उमेर समूहका नागरिकलाई आयोडिन नुन गाउँपालिकाले वितरण गरेको हो । सरकारले उचित मात्रामा आयोडिन भएको नुन उपभोग गर्ने घर सङ्ख्या शतप्रतिशतमा पुर्‍याउने नीति लिएका कारण प्रत्येक वडाका दुई सय घरधुरीलाई एक–एक प्याकेटका दरले नुन सहयोग गरेर आयोडिनयुक्त नुन प्रयोगका बारेमा जनचेतना फैलाइएको संयोजक ढकालले बताए ।

आयोडिनको कमीबाट उत्पन्न हुने विभिन्न शारीरिक एवं मानसिक कमजोरीका विषयमा जनचेतनामूलक कार्यक्रमबाट जानकारी गराइएको उनले बताए । गाउँपालिका प्राङ्गणमा यहाँका सबै स्थानीयलाई उपस्थित गराएर आयोडिनयुक्त नुनको उचित मात्राको प्रयोगका बारेमा सचेत गराइएको हो ।

आयोडिनसम्बन्धी चेतनामूलक गतिविधिका साथै दुई बालबालिका चिह्न अङ्कित नुन प्रयोग गर्न गाउँपालिकाभरिका नागरिकलाई जानकारी गराइएको गाउँपालिका अध्यक्ष लालकेश जैसीले बताए। पाँच वर्षमुनिका बालबालिका, गर्भवती, सुत्केरीका साथै अन्य उमेर समूहका नागरिकलाई उपयुक्त मात्रामा आयोडिन भएको नुन उपभोग गर्न आग्रह गरिएको अध्यक्ष जैसीले बताए ।

आयोडिनयुक्त नुनको प्रयोग नगरेमा यसका बेफाइदाका बारेमा अध्यक्ष जैसीले जानकारी गराएको थियो । साथै यसको प्रयोग गर्न आग्रह गर्दै आयोडिन नुन अध्यक्ष जैसीले सहयोग हस्तान्तरण गरेका छन् । आयोडिनयुक्त नुनको महत्वबारे जनचेतना जगाउन फेब्रुअरी भर कार्यक्रम सञ्चालन गरिने गाउँपालिकाका निमित्त प्रमुख प्रशासकीय अधिकृत राजेन्द्र श्याङ्कुले बताए। आयोडिनसम्बन्धी चेतनामूलक सन्देश लेखिएका सामग्री लिएर महिला स्वयमसेविका, स्वास्थ्यकर्मी परिचालन गरिएको अधिकृत श्याङ्कुले बताए ।


लोकप्रिय समाचार
ताजा समाचार
धेरै पढिएको