काठमाडौं, मंसिर-१७ ।
आइतबार दिउँसो करिव २ बजेदेखि सवा ५ बजे सम्म नेपाल टेलिकमका मोबाइल तथा ल्यान्डलाइन सेवामा समस्या देखियो । जसले गर्दा फोन लाग्दै नलाग्ने, लागेपनि आवाज नै नसुनिने, कुरा गर्दागर्दैै बीचमै कल काटिनेजस्ता धेरै समस्या टेलिकमका प्रयोगकर्ताले व्योहोर्नुपरेको थियो ।
नियामक नेपाल दूरसञ्चार प्राधिकरणको उपभोक्ता शाखाको तथ्यांकअनुसार पछिल्लो डेढ महिनाको अवधिमा हेर्दा टेलिकमको नेटवर्कमा हिजोसम्म गरी चारपटक यस्तो समस्या देखिएको छ । यसअघि पनि ४ मंसिरमा सिस्टमको समस्याका कारण टेलिफोन सेवा प्रभावित भएको कम्पनीले जानकारी दिएको थियो । त्यस्तै, आइतबार भने सुन्धारा क्षेत्रमा अप्टिकल फाइबर चुँडिँदा काठमाडौंका केही क्षेत्रमा सेवा अवरुद्ध हुन पुगेको टेलिकमकी प्रवक्ता प्रतिभा वैद्यले जनाईन ।
लोकप्रिय समाचार
