Logo
25 May 2025    १२ जेष्ठ २०८२, आईतवार

ताजा खबर

‘सेलिब्रेटीसँग बालबालिका’ का लागि नायक श्रीदेब भट्टराई आफ्नै जन्मथलो ईलाममा संसदको शिक्षा समितिको बैठक आज, शिक्षा विधेयकमाथी छलफल हुने यी प्रदेशमा हुनेछ मेघगर्जन र चट्याङसहित वर्षा तनहुँको मादी पुलबाट जिप खस्दा तीन जनाको मृत्यु कानून विपरीत वैदेशिक रोजगारीमा पठाउनेलाई कारबाही गर्ने चेतावनी रास्वपाद्वारा गृहमन्त्री लेखकको राजीनामा माग

सौन्दर्य प्रतियोगिता पैसा कमाउन नभई सकारात्मक परिर्वतनका लागि आयोजना गरेको :शान्ता लामा

admin

जुन काम गरेपनि मेहनत र लगनशिलताका साथ गरेमा सफलता पाइन्छ भन्ने कुरामा उनलाई विश्वास छ । एसएलसी परिक्षा दिएपछि गाउँकै विद्यालयमा पढाउन थालिन । प्राइभेट रुपमा आईए पास गरेपछि उनले पद्मकन्या क्याम्पसबाट विए पुरा गरिन् ।
आजको अवस्थासम्म आईपुग्दा उनको आत्मविश्वास चुलिएको छ । जस्तोसुकै काम गर्न सक्छु भन्ने विश्वास छ । भन्छिन्–‘पहिले नै सबै कुरा सिकेर कोहि पनि आएको हुँदैन । हरेक अवस्थामा सिक्दै अघि बढ्ने हो ।’
मानिस सफल हुनका लागि सबैको सहयोग चाहिने उनले बुझेकी छिन् । घर परिवार, साथीभाई र सहकर्मीको सहयोगले सफलताको मार्गमा डोहा¥याएको उनले बताइन । त्यो बाहेक लगनशिलता, परिश्रम र अठोटले मानिसलाई सफल बनाउने उनको अनुभव छ । आजसम्म आँटेको काममा असफल नभएको उनको भनाई छ ।
क्रिष्टल सब रेमिट, क्रिष्टल ट्राभल्स, ललित मनि ट्रान्सफर र एसके इन्टरटेन्मेन्ट सञ्चालन गरिरहेकी लामा व्यापार व्यवसायमा मात्र नभएर समाजसेवा तिर पनि उत्तिकै क्रियाशिल छिन् । विभिन्न इभेन्टहरुमा समेत उनी सक्रियतापूर्वक लागेकी छिन् । संयुक्त आवाज केन्द्रको गुडविल एम्बेसडर उनी रोटरी क्लवमा पनि आवद्ध छिन् । घरपरिवार, व्यवसाय र समाजसेवा सबैतिर समय व्यवस्थापन गरेर उनी अघि बढिरहेकी छिन् ।
फरक–फरक कामले गर्दा उनले धेरै अनुभवहरु बटुलेकी छिन् । अवसर पाएमा महिलाले पनि राम्रो काम गर्न सक्ने उनको बुझाई छ । सौन्दर्य प्रतियोगिताहरु पैसा कमाउन नभई सकारात्मक परिर्वतनका लागि गरेको उनले बताइन । महिलाले गर्न खोजेका काममा घरपरिवार र सबैले सहयोग पु¥याउनु पर्नेमा उनको जोड छ ।
व्यवसाय गर्दा कहिले काही कठिनाईहरु आउने गरेको उनको अनुभव छ । तर त्यस्ता कठिनाइहरुलाई समाधान गर्दै अघि बढ्नु पर्ने मान्यता लामाको छ । नेपालमा पर्यटनको राम्रो सम्भावना र अवसर रहेको छ । रेमिट्यान्सको सहि सदुपयोग हुनु पर्ने उनी बताउँछिन् । विदेशमा कमाएको पैसा स्वदेशमा सदुपयोग गरेमा भविष्य राम्रो हुने उनको सुझाव छ ।
उनको घरपरिवार राजनीतिमा सक्रिय छ । त्यसैले उनले पनि भविष्यमा राजनीतिमा लाग्ने योजना बनाएकी छिन् । पछि गाउँघरमा नै गएर सेवा गर्ने इच्छा उनको छ ।
मानिसले कर्तव्य र अधिकार बुझ्नु पर्ने लामाको भनाई छ । बुबा टेकबहादुर तामाङ र आमा हरिमायाको सन्तानका रुपमा जन्मिएकी उनले अठार वर्ष अघि विवाह गरिन् । घरमा श्रीमान्, सासु र छोरी छन् । त्यहि परिवारको सहयोग, माया र प्रेरणाले गर्दा उनी सफल व्यवसायीको रुपमा अघि बढिरहेकी छिन् ।

प्रस्तुति : मनोज थापा

Shanta Lama

लोकप्रिय समाचार
ताजा समाचार
धेरै पढिएको