Logo
14 Jul 2024    ३१ असार २०८१, आईतवार

ताजा खबर

लागूऔषध कारोबार गरेको आरोपमा मलेसियन महिला पक्राउ पत्रकार अधिकारीलाई राष्ट्रिय पत्रकारिता पुरस्कार एवं सम्मान अमेरिकी पूर्वराष्ट्रपति डोनाल्ड ट्रम्पमाथि गोली प्रहार नयाँ प्रधानमन्त्रीको नियुक्ति आज, शपथ भोलि प्रधानमन्त्रीमा केपी शर्मा ओलीको नियुक्ति र शपथ आइतबार हुने कांग्रेस र एमालेद्वारा अध्यक्ष ओलीलाई प्रधानमन्त्रीमा नियुक्तिका लागि दाबी पेस

विश्व कीर्तिमानी गीतकार तथा उपन्यासकार डा. डीआर उपाध्यायका तीन गीति एल्बम विमोचन

Reporter

विश्व कीर्तिमानी गीतकार तथा उपन्यासकार डा. डीआर उपाध्यायका फरक शैलीका तीन गीति एल्बम विमोचन गरिएको छ ।

शुक्रवार काठमाडौंको चाबहिलमा एक कार्यक्रमका बीच कीर्तिमानी गीतकार उपाध्यायका ‘आकांक्षा’, ‘अभिभूत’ र ‘अभिलाषा’ एल्बम विमोचन गरिएको हो ।

एल्बमलाई कीर्तिमानी संगीतकार सन्तोष श्रेष्ठ, कीर्तिमानी गायक/संगीतकार सागर अधिकारी ‘शरद’, सञ्चारकर्मी, लेखक एवं मिलाप फाउण्डेसनकी अध्यक्ष गीता अधिकारी, युथ क्रियसनका अध्यक्ष रमेश थापा, गीतकार उपाध्यायलगायतले विमोचन गरेका थिए ।

यी तीनवटै एल्बम फरक शैलीका रहेका छन् । एल्बम ‘आकांक्षा’मा म्यासअपसङ रहेका छन् । अर्थात् एउटै ट्र्याकमा धेरै गीतहरूको अंशलाई जोडेर गीत बनाइएको छ । यसमा तीन दर्जनभन्दा बढी गीत रहेका छन् । यस्तै, एल्बम ‘अभिभूत’मा रिंगब्याक टोन सिआरबिटी र पिआरबिटी एकल गीतकारको शब्द रचनामा रहेका १५० भन्दा बढी गीतहरू रहेका छन् । त्यसै गरी एल्बम ‘अभिलाषा’ गीत सुरु हुनुभन्दा अगाडिको धुनलाई लिएर अर्थात् परिचय धुनलाई लिएर बनाइएको छ । जसमा १५० भन्दा बढी गीत रहेका छन् ।
आफूले आफ्ना प्रस्तुतिलाई फरक-फरक ढंगले प्रस्तुत गर्नेक्रममा तीन गीत यसरूपमा प्रस्तुत गरेको उनले बताए ।

विमोचन समारोहमा संगीतकार श्रेष्ठले उपाध्यायले आफ्ना प्रस्तुतिलाई सधैँ फरक ढंगले प्रस्तुत गर्ने गरेको आफूले पाएको उल्लेख गर्दै आज त्यसैको अर्को रूप यहाँ प्रस्तुत भएको बताए । ‘सधैँ नयाँ–नयाँ खोज गर्ने क्रममा डा. उपाध्यायका १३२ विश्व कीर्तिमान भएका छन् । त्यसैको निरन्तरता स्वरूप आजको यो प्रस्तुति रहेको छ,’ संगीतकार श्रेष्ठले भने ।

अधिकारीले आफू लामो समयदेखि डा. उपाध्यायसँग सहकार्य गर्दै आएको बताउँदै उनको कार्यलाई बधाई तथा शुभकामना दिएका थिए । यस्तै, सो अवसरमा अन्य अतिथिहरूले पनि नयाँ एल्बमका लागि डा. उपाध्यायलाई बधाई तथा शुभकामना दिएका थिए ।  डा. उपाध्यायले हालै प्रेमदिवसको अवसर पारेर आफ्ना १५० भन्दा बढी गीतलाई ‘हट एयर बेलुन’मार्फत् आकाशमा उडाएर सार्वजनिक गरेका थिए ।

डा. उपाध्यायले विभिन्न विधामा १३२ विश्व कीर्तिमान कायम गरेका छन् । यस्तै, उनका एक दर्जन बढी उपन्यास, तीन गीति पुस्तक र ३६ एल्बम सार्वजनिक भएका छन् । दुई सय पचासको हाराहारीमा गीत सार्वजनिक गर्नुभएका उपाध्यायका सयौँ गीतका भिडियो पनि सार्वजनिक छन् । तीन गीति एल्बम विमोचन समारोहमा पत्रकारले राखेको जिज्ञासाको उत्तर दिँदै डा. उपाध्यायले आफ्ना विश्व कीर्तिमानको संख्या १५१ पुग्ने तयारीमा रहेको जानकारी दिएका थिए ।


लोकप्रिय समाचार
ताजा समाचार
धेरै पढिएको