Logo
19 Apr 2024    ७ बैशाख २०८१, शुक्रबार

ताजा खबर

संस्थागत विद्यालयले एक महिनाको भन्दा बढी शुल्क लिइ भर्ना गराए कारबाही गर्ने महानगरको चेतावनी भारतमा आजबाट लोकसभा चुनाव यातायात भरपर्दो बनाउन निर्देशन तीन सहसचिव सचिवमा बढुवा स्वच्छ छवि बनाएका प्रहरी अतिरिक्त महानिरीक्षक सन्दिप भण्डारी भए सेवा निवृत्त त्रिभुवन विमानस्थलबाट एक किलो ७० ग्राम सुन बेवारिसे अवस्थामा फेला

‘ब्यूटी विथ पर्पज’ अवार्ड नेपाली सुन्दरी श्रृंखला खतिवडालाई

admin

shrinkhala khatiwada

काठमाडौं, मंसिर १८ ।
चीनमा जारी मिस वर्ल्ड प्रतियोगितामा नेपाली सुन्दरी शृङ्खला खतिवडाले ‘ब्यूटी विथ पर्पज’ अवार्ड हात पारिन ।

चीनको सान्यामा चलिरहेको प्रतियोगितामा शृङ्खलाले सहभागी कुल ११७ देशका सुन्दरीलाई पछि पार्दै सो अवार्ड जितेकी हुन् । मिस वर्ल्डमा सहभागी हुने सुन्दरीले समाजमा सकारात्मक प्रभाव पर्ने एक परियोजनामा काम गर्नुपर्ने व्यवस्था अनुसार श्रृंखलाले आफ्नो गृह जिल्ला मकवानपुरको चेपाङ बस्तीमा स्वास्थ्य चौैकी र अन्य बिभिन्न भौतिक संरचना बनाएकी थिइन् ।

उनी एक आर्किटेक्चर हुन् र त्यही ज्ञानको प्रयोग गरेर स्वास्थ्य चौकी तथा अन्य बिभिन्न भौतिक संरचना बनाएकी हुन् ।

यसअघि सन् २०१३ मा भएको प्रतियोगितामा नेपालकी प्रतिस्पर्धी इशानी श्रेष्ठले प्रोजेक्ट स्माइल मार्फत ‘ब्यूटी विथ पर्पज’ अवार्ड पाएकि थिइन् ।

साथै श्रृंखलाले भोटिङ मार्फत छानिने मल्टिमिडिया अवार्ड समेत जितिसकेकि छिन् । दुई अवार्ड हात पार्न सफल नेपाली सुन्दरी खतिवडा प्रतिस्पर्धाको उत्कृष्ट ३० मा पर्न सफल भएकी छन् । यसअघि हेड टू हेडको दोस्रो चरणमा भने उनी पराजित भएकी थिइन् ।


लोकप्रिय समाचार
ताजा समाचार
धेरै पढिएको