काठमाडौं, मंसिर १८ ।
पूर्व क्षेत्रको पर्यटकिय क्षेत्रलाई प्रवर्द्धन गर्ने उद्देश्यले इलाममा ‘मेची क्षेत्र पर्यटन महोत्सव’ शुरु हुने भएको छ ।
आज काठमाडौंमा पत्रकार सम्मेलन गरी इलाम पर्यटन प्रवर्द्धन सरोकार समितिले मेची अञ्चलका झापा, इलाम, पाँचथर र ताप्लेजुङ जिल्लालाई समेटेर मेची अञ्चलस्तरीय पर्यटन महोत्सव गर्न लागिएको जानकारी दिएको छ ।
आगामी पुस ५ गतेदेखि पुस १५ गतेसम्म महोत्वस आयोजना गरिने बताइएको छ । सिक्किम र पश्चिम बंगालसहितका लगभग १ लाख आन्तरिक र बाह्य पर्यटक भित्र्याउने तथा २ करोड रुपैयाँ आम्दानी गर्ने लक्ष्य आयोजकको रहेको छ ।
मेची अञ्चलको सम्पुर्ण जिल्लको सांस्कृतिक, आर्थिक र पर्यटकीय गन्तव्यको प्रवर्द्धन गर्ने उद्देश्यले महोत्सव आयोजना गर्न लागिएको मेची पहाडि क्षेत्र पर्यटन प्रवर्द्धन विकास समितिका कार्यकारी निर्देशक केशव द्यौलारीले जानाए ।
‘समृद्धिको आधार हाम्रो पर्यटन’ नारा दिइएको उक्त महोत्सवमा स्थानीय उत्पादनका स्टलहरु, खानाका परिकार, कृषिजन्य उत्पादन, औद्योगिक उत्पादन र स्थानीय सांस्कृतिक झाँकी, कला, संगीत प्रस्तुत गरिने जानईएको छ ।
