काठमाडौं, मंसिर १८ ।
पेरिस सेन्ट जर्मेन (पिएसजी)को फ्रेन्च लिग वानमा लगातार जितको शृङ्खला १५औँ खेलमा पुगेर अन्त्य भएको छ । १४ औं खेलसम्म लगातार जित निकालेको पिएसजी बार्डोसँग २–२ गोलको बराबरीमा रोकियो । युरोपकै सबैभन्दा खर्चिलो तथा स्टार खेलाडीले भरिएको पिएसजीलाई बार्डोले २–२ को बराबरीमा रोके पनि शीर्षस्थानमा उसको फराकिलो अग्रता कायम छ ।
पिएसजीले लिगमा दोस्रो स्थानमा रहेको मोन्टफेलियर संग स्पष्ट १४ अंकको अग्रता लिएको छ । पिएसजीले १५ खेलबाट सर्वाधिक ४३ अंक बटुलेको छ । यसक्रममा पिएसजीले १४ जित र १ बराबरी खेलेको छ । दोस्रो स्थानमा रहेको मोन्टफेलियरले भने १५ खेलबाट २९ अंक जोडेको छ । मोन्टफेलियरले ८ जित, ५ बराबरी तथा २ हारको सामना गरेको छ । तेस्रो स्थानमा रहेको लियोनको २८ अंक छ । लोस्क २७ अंकका साथ चौथो स्थानमा छ ।
लोकप्रिय समाचार
