काठमाडौं,मंसिर-२०।
निर्मला हत्या प्रकरणमा नया रहस्य बाहिरियो, सामूहिक बलात्कार भएको आशंका
आज पशुपति क्षेत्रमा ‘निर्मलाका निम्ती न्याय’ अभियानका अभियान्ताहरुले निर्मलाको नाममा शतबीज छरेका छन् । मार्गशीर्ष कृष्ण चतुर्दशी अर्थात बाला चतुर्दशीको दिन आज बिहान उनीहरुले निर्मलाको सम्झनामा पशुपति परिसरमा शतबीज छरेका हुन् ।
निर्मलाको सम्झनामा निधारमा ‘म पनि निर्मला’ लेखेको पट्टी बाँधेर अनि ‘सरकार भेटियो न्याय भेटिएन’ पोष्टर छात्तिमा टाँसेर सतबीज छरिएको अभियान्ताहरुले जनाए ।
कञ्चनपुरकी १३ वर्षीया बालिका निर्मला पन्तको बलात्कारपछि हत्या भएको थियो । हत्या भएको चार महिना पूरा पुग्दा समेत दोषी पत्ता लगाउन नसकेको भन्दै सरकारको चौतर्फी आलोचना बढ्दै गएको छ । दोषीलाई सार्वजनिक गर्न माग गर्दै देशव्यापी रुपमा “निर्मलाका निम्ती न्याय” अभियान नै सन्चालन भई रहेको छ ।
आजको दिन दिवङ्गत पितृको सद्गतिको कामना गर्दै महादीप बाली शिव मन्दिरमा शतबीज छरेमा दिवङ्गत पितृले मोक्ष पाउने जनविश्वास रहेको छ ।
