चितवन, मंसिर-२४ ।
नेपाली काँग्रेसका महामन्त्री डा.शशांक कोइरालाले जनमत संग्रह मार्फत देशलाई हिुन्दूराष्ट्र बनाउनुपर्ने जनाएका छन् ।
भरतपुर गणेशधाम निर्माणार्थका आयोजना गरिएको वृहत धनधान्याचल महायज्ञमा बोल्दै महामन्त्री डा.कोइरालाले जनमत संग्रह गराएर मात्रै देशलाई हिन्दूराष्ट्र बनाउनुपर्ने कुरामा जोड दिएका छन ।
‘मेरो व्यक्तिगत चाहना भनेको नेपाल हिन्दूराष्ट्र हुनुपर्छ, तर बलजफ्ती होइन जनमत संग्रह गराएर घोषणा गरिनुपर्छ ।’ उनले धर्मको बारेमा निर्णय गर्ने अधिकार जनतालाई दिनुपर्ने बताए ।
नेता कोइरालाले नेपाली काँग्रेसको अब बस्ने महासमिति बैठकमा पनि हिन्दू धर्मको बारेमा ठूलो बहस हुने जनाए । उनले नेपालमा धर्ममा स्वतन्त्रता पनि हुनुपर्ने तर्क समेत प्रस्तुत गरे ।
मंसिर २२ गतेदेखि सुरु भएको वृहत धनधान्याचल महायज्ञ भने मंसिर २९ गतेसम्म चल्नेछ ।
महायज्ञबाट करिव २० करोड रुपैयाँ संकलन गर्ने लक्ष्य राखिएको छ ।
गणेशधाम निर्माणका लागि करिव ८० करोड रुपैयाँ लागत लाग्ने अनुमान प्रारम्भिक अनुमान गरिएको छ ।
गणेशधाम निर्माणका लागि प्रदेश ३ को सरकारले ९० लाख विनियोजन गरेको छ ।
