काठमाडौं, मंसिर २६ ।
चिनियाँ मोबाइल प्रदायक कम्पनी हुवाईकी प्रमुख फाइनान्सियल अफिसर मेङ्ग वाङ्जु धरौटीमा रिहा भएकी छन् ।
क्यानडामा पक्राउ परेकी वाङ्जुलाई त्यहाको स्थानीय अदालतले १० मिलियन क्यानेडियन डलर बराबरको धरौटीमा रिहा गर्न आदेश दिएको जनाइएको छ ।
वाङ्जु डिसेम्बर १ मा भ्यानकुभरबाट पक्राउ परेकी थिइन् । उनीमाथि रहेको ठगीको आरोपको सुनुवाइका लागि उनलाई अमेरिकालाई सुम्पिने सम्भावना प्रवल रहेको समेत स्रोतले जनाएको छ ।
हुवाई र स्काइ कमले इरानमा व्यवसाय गर्दा यी दुई कम्पनीबीचको सम्बन्धका बारेमा बिभिन्न गम्भीर आरोप रहेको सुनुवाईको क्रममा देखिएको छ ।
अमेरिकाले भने यस अघिदेखि नै हुवाई र स्काइकम सम्बन्धित रहेको जनाइरहेको छ ।
यसले गर्दा अमेरिकाले इरानमाथि लगाएको प्रतिबन्ध हुवाईको गतिविधिले गर्दा नै उल्लंघन भएको पनि अमेरिकी दाबी छ ।
लोकप्रिय समाचार
