Logo
14 Jul 2024    ३१ असार २०८१, आईतवार

ताजा खबर

लागूऔषध कारोबार गरेको आरोपमा मलेसियन महिला पक्राउ पत्रकार अधिकारीलाई राष्ट्रिय पत्रकारिता पुरस्कार एवं सम्मान अमेरिकी पूर्वराष्ट्रपति डोनाल्ड ट्रम्पमाथि गोली प्रहार नयाँ प्रधानमन्त्रीको नियुक्ति आज, शपथ भोलि प्रधानमन्त्रीमा केपी शर्मा ओलीको नियुक्ति र शपथ आइतबार हुने कांग्रेस र एमालेद्वारा अध्यक्ष ओलीलाई प्रधानमन्त्रीमा नियुक्तिका लागि दाबी पेस

यूकेमा केइर स्टार्मर प्रधानमन्त्री बन्ने

Reporter

बेलायती चुनावमा लगातार १४ वर्षदेखि सत्तामा रहेको कन्जरभेटिभ दलले संसदीय निर्वाचनमा लज्जास्पद पराजय भोगेको छ । टोरीज् भनेर चिनिने सत्ताधारी दलले बेलायती सदनको ६५० सिटमा तीन अंकको सिट पु¥याउन नसकेर ८२ मा खुम्चिएको छ । टोरिज्ले हालसम्म १९३ सिट गुमाएको बीबीसीले उल्लेख गरेको छ ।

यस्तै प्रमुख प्रतिपक्षी लेबर पार्टीले पछिल्लो चुनाव भन्दा २२३ सिट बढाएर अहिलेसम्म ४१० सिट ल्याएको छ । अन्तिम नतिजा आउन बाँकी हुँदै लेबरको एकल बहुमत भन्दा बढि सिट जितिसकेको छ । ३२६ मा बहुमत पुग्नेमा लेबरको बहुमत बढी सिट आइसकेको छ । लेबर पार्टीको एकल बहुमत आएसँगै १४ वर्षबाट सत्तासीन भएको लेबरले सत्ता चलाउने भएको हो ।

अबको चार दिनमा बेलायती सदन संचालनको कार्यतालिका रहेको छ । लेबरको बहुमत आएसँगै लेबरका नेता केइर स्टार्मर प्रधानमन्त्री बन्ने पक्का भएको छ । स्टार्मरले समर्थकहरूलाई सम्बोधन गर्दै सबैलाई धन्यवाद दिएका छन् । उनले जनताले देशलाई परिवर्तन गरेको उल्लेख गरेका छन् ।

सरकार बनाउन पार्टीले बहुमत हासिल गरेपछि उनले ठूलो जिम्मेवारीसहित यो म्यान्डेट आएको बताएका छन् । उनले सार्वजनिक हितका लागि आफूहरूले राजनीति गर्नुपर्ने जनाउँदै बहुमत ल्याएपछि खुसी व्यक्त गरेका छन् । उता बेलायती प्रधानमन्त्री तथा कन्जरभेटिभ पार्टीका नेता ऋषि सुनकले आफ्नो हार स्वीकार गरेका छन् ।

उनले लेबर पार्टीका नेता स्टार्मरलाई विजयको लागि बधाई दिएका छन् । ‘बेलायतका जनताले सम्मानजनक निर्णय गरेका छन् । यसबाट धेरै कुरा सिक्न आवश्यक छ । हारको जिम्मेवारी लिन्छु,’ उनले भनेका छन् । उनले चिन्तित बनाउने खालको फैसला आएको बताउँदै धेरै कुरा सिक्न बाँकी रहेको भन्दै ‘आइ एम सरी’ भनेका छन् ।

उनले ‘यो कठिन रातमा’भन्दै रिचमण्ड र नोर्थल्लेर्टो निर्वाचन क्षेत्रका जनताप्रति कृतज्ञता व्यक्त गरेका छन् । योर्कशायरको रिचमण्ड सिटमा भने सुनकले जित कायम गरेका छन् । सिट जितेपछि उनले आफ्नो मन्तव्यमा भने, ‘चुनावमा लेबर पार्टीले जितेको छ । मैले स्टार्मरलाई उनको जितमा बधाई दिइसके ।’

सन् २०१९ को चुनावमा कन्जरभेटिभ पार्टीले ६५० सिट भएको संसदमा ३६४ सिट जित्यो र बोरिस जोनसन प्रधानमन्त्री बनेका थिए । अघिल्लो पटकको तुलनामा पार्टीले ४७ सिट बढी पाएको थियो । तर यसपटक अवस्था बिल्कुल उल्टो छ । बेलायतमा १४ वर्षपछि लेबर पार्टी सत्तामा फर्किएको छ । एक्जिट पोलको भविष्यवाणी सही साबित भयो भने स्टार्मर ४१० लेबर सांसदसहित प्रधानमन्त्री बन्नेछन् ।

यो जित सन् १९९७ मा टोनी ब्लेयरको ऐतिहासिक जितभन्दा केही कम हुनेछ । विपक्षी नेता बन्नुअघि स्टार्मरले २००८ र २०१३ बीच इङल्यान्ड र वेल्समा वकिलका रूपमा काम गरेका थिए । ६१ वर्षीय स्टार्मर चार वर्षदेखि विपक्षी दलको नेता छन् र आफ्नो लेबर पार्टीलाई वाम झुकावबाट राजनीतिक रूपमा केन्द्रवादी बाटोतर्फ लैजाने श्रेय उनलाई दिइन्छ । बेलायतको यो निर्वाचनमा जम्मा ३९२ दल दर्ता भएका छन् ।

तर, मुख्य प्रतिस्पर्धा भने ऋषि सुनकको कन्जरभेटिभ र प्रमुख विपक्षी नेता स्टारमरको लेबर पार्टीबीच भएको छ । निर्वाचनअघि गरिएको सर्वेक्षणले संसदमा लेबर पार्टीले भारी बहुमत ल्याउने प्रक्षेपण गरेको थियो । यो नतिजापछि प्रधानमन्त्री ऋषि सुनकको १८ महिनाको कार्यकाल समाप्त भएको छ । बेलायतमा विगत १४ वर्षदेखि कन्जरभेटिभले शासन गर्दै आएका छन् ।

यद्यपि, यी वर्षहरू राजनीतिक र आर्थिक परिप्रेक्ष्यमा उथलपुथलले भरिएका छन् र पछिल्लो आठ वर्षमा बेलायतमा पाँच कन्जरभेटिभ प्रधानमन्त्री बनेका छन् । २०२० मा स्टार्मर लेबर पार्टीको अध्यक्षमा निर्वाचित भए । तर स्टार्मर अध्यक्ष बनेपछि पार्टीले ८५ वर्षमा सबैभन्दा नराम्रो हार बेहोरेको थियो ।


लोकप्रिय समाचार
ताजा समाचार
धेरै पढिएको