काठमाडौं, मंसिर २८ ।
नेपाली मोडलिङको रंगीन दुनीयामा युवतीको तुलनामा युवकहरुको चर्चा कमै हुन्छ ।
मोडलिङदेखि विज्ञापनसम्म युवती र युवक दुवैको सहभागिता उस्तै भए पनि युवकहरू पर्दा पछाडि नै रहने गरेका छन् । मोडलिङ हुँदै दर्जनौ म्युजिक भिडियोहरुमा अभिनय समेत गरिसकेका सर्लाहीको हरिवनमा जन्मिएका मन्दिप पौडेल युवकहरुलाई प्रचारप्रसार कम गरिने हुँदा यस्तो भएको बताउँछन् ।
पौडेलले बताएअनुसार ‘मिडियामा मोडल युवतीहरूले जस्तो कभरेज युवकहरूले नपाउँदा नै यस्तो भएको हो ।
विगत केही समयदेखि पढाईको सिलसिलामा काठमाडौं आएका पौडेल मोडलिङसंगै बिजनेस पर्सनको रुपमा अहिले परिवार सहित काठमाडौंमा रहँदै आएका छन ।
पौडेलले भने- ‘युवतीहरू छिट्टै चर्चामा आउने कारण मिडियाको कभरेज पनि एक हो ।’ बिभिन्न म्युजिक भिडियोका मोडल पौ्डेलका अनुसार पुरुष मोडलका लागि अवसर समेत कम भएको कुरामा गुनासो गरे । लोकप्रियताका लागि मोडिलिङमा होमिने पौडेलजस्ता तन्नेरीहरू चर्चा र अवसर कम भएपछि पलायन हुने गरेका छन् तर उनी व्यवसाय र मोडलिङलाई संग़ै लिएर अघि बढि रहेका छन । ब्यवासायको क्रममै युवाहरुलाई लक्षित गरी योङ फरेवर र योङ स्टाईल गरी दुईवटा क्लोदिङ आउटलेट सन्चालनमा ल्याएका छन ।
रंगीन संसारमा होमिएपछि चर्चाको भर्याङ भने युवतीहरू नै चढछन् । कुनै पनि उत्पादनलाई जनसमक्ष पुर्याउने विज्ञापनमा महिलाको तुलनामा पुरुषको स्थान कमै हुने गरेको छ ।
सौन्दर्य प्रतियोगिताको उपाधि जितेका दीपक बानियाँ, सुबास पौडेल, वीरेन भण्डारीजस्ता दर्जनौ युवा मोडलले यो क्षेत्रलाई चटक्कै छाडे । कोही विदेश पलायन भए भने कोही अन्य पेसा व्यवसायतर्फ लागे तर मन्दिप भने व्यवसायसंगै मोडलिङ्लाई साथ साथै लिएर अघि बढ़िरहेका छन ।
मनोरञ्जनसँग सम्बन्धीत वेबसाइटहरूले समेत युवकको तुलनामा युवतीहरूलाई नै प्राथमिकता दिने तथा युवक मोडलको फोटोसेसन समेत बिरलै हुने गरेको अवस्था छ । तर यो क्षेत्रमा निरन्तर लागिरहदा पक्कै पनि सफलता प्राप्त गर्न सकिने बताउछन ।
आफुले सोचेको भन्दा ज्यादा परिश्रम गरेरमात्र यो क्षेत्रमा सफलता मिल्ने बताउदै अब आउने नयाँ पुस्ताले त्यसको लागि आफुलाई तयारी गरेर आउनुपर्ने बताउछन ।
