काठमाडौं, पुष-०२।
बलिउड्मा बार्बी गर्लको रुपमा परिचित क्याट्रिना कैफले केही दिनपहिले आफ्नो र रणवीर कपुरको सम्बन्धबारे खुलेर बोलेको थिइन् ।
त्यसैगरी खुलेर बोल्ने क्रममा अहिले मल्टिस्टार फिल्म ‘ठग्स अफ हिन्दुस्तान’लाई बोलेकी छिन् । यसबारे केही समयअघि आमिर खानले निकै सुन्दर बयान दिएको बताएकी छिन् । उनले भनेकी छिन्, ‘हरकोहीले आफ्नो बेस्ट दिएका थियौँ । तर, हाम्रो कोसिस दर्शकको चाहनालाई पूरा गर्न असमर्थ रह्यो ।’
उक्त फिल्ममा बलिउड अभिनेता आमिर खान र अमिताभ बच्चन पहिलोपटक एकैसाथ ठूलो पर्दामा देखिएका थिए । यो फिल्मलाई २०१८ को सबैभन्दा ठूलो फिल्म मानिएको थियो । तर, आमिर खान र अमिताभ अभिनित यो फिल्म बक्स अफिसमा नराम्रोसँग फ्लप भयो । फिल्म फ्लप हुनुको सम्पूर्ण जिम्मेवारी आमिर खानले आफ्नो काँधमा लिएका थिए । उनले फिल्म फ्लप भएपछि दर्शकसँग माफी समेत मागेका थिए ।
