काठमाडौं, पुष-०२।
हलिवूड अभिनेत्री एलिजा डुस्कुलाई युएस टेलिभिजन नेटवर्क सिबिएसले ९ दशमलव ५ अमेरिकी डलर भुक्तान गरेको छ । प्राइम टाइम नाटक ‘बुल’का मुख्य अभिनेता माइकलमाथि डुस्कुले यौनउत्पीडनको आरोप लगाएकी थिइन् ।
उनले बताए अनुसार, ‘शोको समयमा माइकलले मलाई अश्लील जोक्स बनाए, जुन सीधा रूपमा मेरो शरीरसँग जोडिएको थियो ।’
सुरुमा त माइकलले उक्त कुरालाई अस्वीकार गर्दै आएका थिए । तर, अहिले भने उनले उक्त कुरा स्वीकार गरिसकेका छन् ।
तर,अझैपनि आफ्नो जोक यौनसँग सम्बन्धित नभएको उनले दाबी गर्दै आएका छन् ।
एलिजा डुस्कुले प्रोडक्सन टिमसँग यो कुरा गर्नुभन्दा पहिला माइकलसँग यो मामलामा वार्ता गरेकी थिइन् । तर, सहमति नभएपछि सिबिएसविरुद्ध कानुनी प्रक्रियामा गए पनि उनले आफ्नो अनुबन्धको समय भने पूरा गरिन् । उनलाई क्षतिपूर्ति वापतको रकम प्रोडक्सन हाउसले भुक्तान गरिसकेको छ ।
