काठमाडौं– लोकप्रिय गायक नारायण थापा सुमधुर गीत रातभरि आएर तिम्रो याद’ मार्फत स्रोतामाझ आएका छन् । जुन मायाको पुजा गरे, दिलमा आगो, तिम्रो आकर्षणले, माया जालैमा जस्ता दर्जनौ गीत पस्किसकेका यागक एवम् संगीतकार नारायण गीतकार रमेश दहालको शब्दको ‘रातभरि …’ शीर्षकको गीतको लिरिकल भिडियो मार्फत स्रोतामाझ आएका हुन् ।
मेलोडी नेपाल रेकडिंग स्टुडियोमा रेकर्ड गरिएको यो गीतमा गीतलाई गायक आफैले संगीतबद्ध गरेका छन् । गीतमा पुस्कर सुनुवारको संगीत संयोजन छ । हररात प्रेमिकालाई सम्झेर रात काट्ने विषयमा यो गीत तयार गरिको छ ।
गीतकार दहाल प्राय: सकारात्मक सन्देशले भरिएका, बिम्ब र प्रतिक अनि उच्च गीति चेतनामा गीत रचना गर्न मन पराउँछन् । गायक नारायणको सुमधुर स्वर रहेको यो गीतमा पनि गीतकार दहालले ती बिम्बहरु प्रयोग गरेका छन् ।
लोकप्रिय समाचार
