काठमाडौं, पुस-०३ ।
नेपाल कम्युनिस्ट पार्टी (नेकपा) को मंगलबार बिहान पार्टी कार्यालय धुम्बाराहीमा बसेको स्थायी समिति बैठकमा पार्टी अध्यक्षद्वय केपी शर्मा ओली र पुष्पकमल दाहाल प्रचण्डले बुझाएको प्रतिवेदनमाथि छलफल गरी समिती बैठक सकिएको छ ।
मंगलबार बिहान करिव आठ बजे सुरु भएको बैठकमा आठ जना स्थायी समिति सदस्यहरुले प्रतिवेदनमाथि आ-आफ्नो धारणा प्रस्तुत गरेका थिए । उनीहरुले पार्टी एकतामा ढिलाई गर्न नहुने सुझाव दिदै सरकार्ले गरेका केहि काम प्रति असन्तुष्टी पनि व्यक्त गरेको पार्टी प्रवक्ता नारायणकाजी श्रेष्ठले जनाए ।
आजको बैठकमा केशव बराल, भीम रावल, शंकर पोखरेल, टोपबहादुर रायमाझी, योगेश भट्टराई, साेमनाथ प्यासी, सत्य नारायण मण्डल र पृथ्वी सुब्बा गुरुङले बोलेका थिए । प्रत्येक सदस्यलाई आफ्नु धारणा प्रस्तुत गर्नको लागि २० मिनेटको समय दिइएको थियो । सोमबार बसेको बैठकमा १० जना सदस्यहरुले आफ्नो धारणा प्रस्तुत गरेका थिए ।
नेकपा प्रवक्ता श्रेष्ठका अनुसार भोली पनि सोही समयमा बैठक बोलाईएको छ । बैठकबाट बाहिरिँदै गर्दा वरिष्ठ नेता झलनाथ खनालले पार्टी र सरकारलाई जीवन्त बनाउने ढंगमा छलफल भएको बताए भने आजको बैठकमा दुई अध्यक्षको प्रतिवेदनमाथि असन्तुष्टी जनाउँदै नेता भीम रावलले फरक प्रतिवेदन पेश गरेका छन् ।
