आतिशी मार्लेना भारतको दिल्ली राज्यको मुख्यमन्त्री नियुक्त भएकी छिन्।
दिल्लीका मुख्यमन्त्री अरविन्द केजरीवालले गत मंगलबार पदबाट राजीनामा दिएपछि आम आदमी पार्टीको विधायक दलको बैठकले आतिशीलाई मुख्यमन्त्री बनाउने सर्वसम्मत निर्णय गरेको थियो।
आतिशीले शनिबार नै दिल्लीस्थित राज निवासमा आयोजित समारोहबीच पद तथा गोपनियताको शपथ लिएकी छिन्।
सुष्मा स्वराज र शिला दिक्षितपछि आतिशी दिल्लीकी तेस्रो महिला मुख्यमन्त्री तथा दिल्लीको सबैभन्दा कम उमेरकी मुख्यमन्त्री बनेकी छिन्। उनी ४३ वर्षकी भइन्।
मुख्यमन्त्री केजरीवाल जेलमा रहेका बेला आतिशीले सरकारको मुख्य ‘पोर्टफोलियो’ सम्हालेकी थिइन्। आतिशी केजरीवालको विश्वासपात्र हुन्।
लोकप्रिय समाचार
