काठमाडौं । साधना घिमिरेको कविता सङ्ग्रह साधनाको साधना एक समारोह बीच बिमोचन गरिएको छ। पुर्व मन्त्री तथा प्रदेशसभा सदस्य रमा आलेमगर, प्रदेश सभा सदस्य यमुना श्रेष्ठ, नगरप्रमुख घनश्याम गिरी, पुर्व नगरउपप्रमुख लिशा नकर्मीले कविता सङ्रह पुस्तकको विमोचन गरेका थिए।
सो अवसरमा अपाङ्गताको क्षेत्रमा नृत्य, गायन, सौन्दर्यका क्षेत्रमा पुर्याएको योगदानको उच्च मुल्यांकन गर्दै शास्त्रीय नृत्याङ्गना तथा एम एस नेपाल इन्टरनेसनल बिजेता सीता सुबेदीलाई अभिनन्दन गरिएको थियो ।
सुवेदीलाई पुर्व मन्त्री तथा प्रदेशसभा सदस्य रमा आलेमगर, प्रदेश सभा सदस्य यमुना श्रेष्ठ, नगरप्रमुख घनश्याम गिरी, पुर्व नगर उपप्रमुख लिशा नकर्मीले संयुक्त रुपमा अभिनन्दन गरेका हुन। सुवेदीले यस्तो खालका कार्यक्रमले समाजमा आफुलाई उत्तरदायी भुमिका निर्वाह गर्न निरन्तर प्रेरणा मिल्ने बताइन ।
अपाङ्गता अभिभावक समाज नेपालको आयोजनामा सम्पन्न कार्यक्रममा लेखिका साधनाले आफूलाई पनि धेरै काम गर्न मन लाग्ने गरेको तर शारीरिक अपाङ्गताको अवस्थाले सबै कार्य गर्न गाह्रो हुने गरेको बताइन।
