काठमाडौं, पुस ४ ।
लेस्टर सिटीलाई पराजित गरी म्यान्चेस्टर सिटी लिग कप फुटबलको सेमिफाइनलमा प्रवेश गरेको छ । काराबाओ कप पनि भनिने प्रतियोगिताको क्वाटरफाइनलमा म्यान्चेस्टर सिटीले लेस्टरलाई टाईब्रेकरमा पछि पार्यो ।
चोटका कारण लामो समयपछि मैदानमा फर्किएका केभिन डे ब्रायनले म्यान्चेस्टर सिटीका लागि पहिलो गोल गरे । तर लेष्टरका म्याथ्यु अलब्राईटनले गोल फर्काउँदै खेललाई बराबरीमा पुर्याए । अतिरिक्त समयमा धकेलिएको खेलमा दुबै टोलीले गोल थप्न नसकेपछि खेल टाई ब्रकेरमा पुग्यो । टाइ ब्रेकरमा म्यान्चेस्टर सिटी ३–१ गोल अन्तरले विजयी भयो ।
लिग कपकै अर्को खेलमा मिडिल्सब्रोलाई १–० ले हराउँदै बुर्टन आल्बियोन पनि सेमिफाइनलमा प्रवेश गरेको छ । प्रतियोगिताको बाँकी दुई क्वाटरफाईनल खेल भने आज राति हुदैछन् । आज आर्सनल र टोटनह्याम हट्सपर भिड्दा चेल्सीले बर्नमाउथसँग खेल्दैछ ।
