काठमाडौं, पुस ५ ।
युरोपियन च्याम्पियन रियाल मड्रिड क्लब विश्वकप फुटबलको फाइनल चरणमा प्रवेश गरेको छ ।
युएईको आबुधाबीमा जारी प्रतियोगिताको सेमिफाइनलमा एसियाली च्याम्पियन कासिमा एन्टलर्सलाई ३–१ गोल अन्तरले हराउँदै रियाल मड्रिड फाइनलमा पुगेको हो ।
जापानी फुटबल क्लब कासिमाविरुद्ध स्पेनिस क्लब रियाल मड्रिडलाई जिताउने क्रममा ग्यारेथ बेलले ह्याट्रिक गरे ।
रियाल मड्रिडले अब शनिवार हुने फाइनल खेलमा स्थानिय टोली अल आइन फुटबल क्लबसँग उपाधिको लागि भिडन्त गर्नेछ ।
आबुधाबीको अल आइनले आयोजक देशको लिग च्याम्पियनको हैसियतले क्लब विश्वकप खेल्ने अवसर पाएको थियो ।
सेमिफाइनलमा दक्षिण अमेरिकी च्याम्पियन अर्जेन्टिनाको रिभर प्लेट फुटबल क्लबलाई पेनाल्टी सुट आउटमा हराउँदै अल आईनले फाइनलको लागि स्थान बनाएको हो ।
लोकप्रिय समाचार
