काठमाडौं, पुस-६ ।
वलिवूड अभिनेत्री दीपिका पादुकोण बिहेपछि अब अभिनयमा फर्कने तयारीमा जुटेकी छिन् । दीपिकाको नयाँ फिल्मलाई लिएर लगातार समाचार बाहरी रहेका छन् । उनी चाँडै नै मेघना गुलजारको नयाँ फिल्म ‘छपाक’मार्फत देखिँदै छिन् । उक्त फिल्ममा एसिड आक्रमणमा परेकी लक्ष्मीको जीवनमा आधारित छ ।
केही दिनपहिले सो फिल्ममा राजकुमार राव र आयुष्मान खुराना मुख्य भूमिकामा रहने खबर बाहिरिएको थियो । तर, पछिल्लो खबरअनुसार ‘छपक’बाट आयुष्मान र राजकुमार दुवै बाहिरिएका छन् ।
अब यो फिल्ममा भने नयाँ अनुहार विक्रान्त मेस देखिने भएका छन् । मेघनाले भारतीय मिडियालाई दिएको जानकारी अनुसार फिल्मको अन्य सबै कलाकार निश्चित भइसकेको छैन । विक्रान्तसँग मेघनाले फिल्म ‘राजी’ को समयदेखि नै काम गर्न ईच्छुक रहेको बताएकि थिईन । मेघनाले भनेकी छिन्, ‘अ डेथ इन द गन्ज हेरेपछि मैले विक्रान्तसँग काम गर्न ई्च्छुक थिएँ ।’
