काठमाडौं, पुस-६ ।
बलिवूड निर्देशक करण जोहार उनको नयाँ फिल्म ‘शुद्धि’का लागि पछिल्लो तीन वर्षदेखि काम गरिरहेका छन् । फिल्मको मुख्य अभिनेताका लागि ऋतिक रोशनदेखि सलमान खानसम्मको नाम बाहिर आएको थियो पछि गएर वरुण धवन पनि यस फिल्मसँग जोडिए ।
तर, करणको फिल्मको विषयवस्तु यति गह्रौँ थियो कि कसैले चुनौती स्वीकार गर्नै सकेनन् । अ्हिले अन्तिममा सो फिल्ममा प्रभासले अभिनय गर्ने कुरा पक्का भएको भारतीय मिडियाले उल्लेख गरेका छन् । बाहुबली सिरिजबाट एकाएक चर्चाको शिखरमा पुगेका प्रभासको आउन लागेको नयाँ फिल्म ‘साहो’ हो । फिल्म ‘साहो’ आउने अगस्टमा रिलिज हुँदै छ । यो फिल्म हिन्दी भाषामा पनि एकसाथ आउँदै छ । शुद्धि नै प्रभासको लागि बलिउड डेब्यु फिल्म हुने जनाइएको छ ।
लोकप्रिय समाचार
