वासिंटन, पुस ६ ।
अमेरिकाले आफ्ना केही सरकारी एजेन्सीहरुमा चीनले ह्याक गर्ने प्रयास गरिरहेको आरोप लगाएको छ ।
अमेरिकी न्याय विभागले चीनका दुई नागरिकले पश्चिमी देशका सरकारी एजेन्सीहरु ह्याक गरेको आरोप लगाएको हो । जसमा चिनियाँ नागरिक झु हुवा र झेङ सिलोङ संलग्न रहेको जनाइएको छ । उनीहरु ‘एडवान्स परसिसटेन्ट थ्रेथ १०’ समूहको सदस्य भएको जनाइएको छ । यो समूह चीनको गुप्तचर एजेन्सीसँग निकट रहेको छ ।
अमेरिकासँग बेलायतले पनि चीनमाथि सोही किसिमको आरोप लगाएको जनाइएको छ । बेलायतले चीनले दुई देशबीच भएको आर्थिक जासुसी सम्झौताको उल्लंघन भएको आरोप लगाउदै आएको छ ।
अमेरिकी गुप्चतर एजेन्सी एफबीआईका निर्देशक क्रिस्टोफर रेले यस बारेमा एक विज्ञप्ति जारी गर्दै आफूहरुले गरेको अनुसन्धानका क्रममा यो गम्भीर विषय भएको र यसले राष्ट्रिय सुरक्षामा खतरा निम्त्याउने देखिएको जनाएका छन् ।
उनले अमेरिकालाई आर्थिक रुपमा क्षति पुर्याउने कोसिस भएको जनाएका छन् । (एजेन्सी)
