वर्ल्ड वाइड मिडियाले ज्येष्ठ नागरिक सम्मान तथा शुभकामना साँझ कार्यक्रम सम्पन्न गरेको छ । शंखरापुर नगरपालिकामा एक विशेष कार्यक्रमबीच ज्येष्ठ नागरिक, सानुनानी दंगाल र आशालाल श्रेष्ठ, पत्रकार कृष्ण भुसाल, कलाकार राजकुमार शाह र गायक तथा संगीतकार सुरेन्द्र श्रेष्ठलाई विशेष सम्मान अर्पण गरिएको थियो ।
कार्यक्रममा नगरप्रमुख रमेश नापित प्रमुख अतिथि हुनुहुन्थ्यो, भने उपनगर प्रमुख समिता श्रेष्ठ, पूर्वनगर प्रमुख सुवर्ण श्रेष्ठ, र विभिन्न समाजसेवीलगायत अन्य अतिथि उपस्थिति थियो । सो अवसरमा कलाकारहरू बिन्दु परियार, चेतन राई, कृष्णराज भण्डारी, रञ्जित लामा, रमेश पाठक, तुलासा बिक, कविता मगर, सोना थापामगर एवं स्थानीय कलाकारहरू आ-आफ्नो प्रस्तुति दिनुभएको थियो ।
कार्यक्रममा गायक रामकृष्ण श्रेष्ठ, सिम्रन परियार र सन्तोषी कार्कीको नयाँ गीत ‘सिठ्ठी बजाउँदै’ पनि सार्वजनिक गरियो थियो । उक्त गीतका शब्द विष्णु भण्डारीले लेख्नुभएको हो भने संगीत सरोज पोख्रेलको छ ।
गीतमा सोनाम पाख्रिनको निर्देशनमा मोडल सरोज प्रजा र विना राउतको अभिनय छ । कार्यक्रममा आयोजक समेत रहनुभएका टेकराज पाण्डे, सौन्दर्य कर्मी राधिका खत्री, लक्ष्मण खड्का र लक्ष्मी खड्कालाई विशेष सम्मान अर्पण गरिएको थियो ।
