भारतका स्थल सेनाध्यक्ष उपेन्द्र द्विवेदी ६ दिने भ्रमणका लागि आज नेपाल आउँदैछन् ।
सेनाध्यक्ष द्विवेदी नेपाली सेनाको मानार्थ प्रधानसेनापति महारथीको पदवी लिन र नेपाल–भारत शान्ति सुरक्षालगायतका विषयमा छलफल गर्न लागेको बताइएको छ ।
उनले मंसिर ५ देखि १० गतेसम्म नेपालको भ्रमण गर्ने बताइन्छ ।
स्थल सेनाध्यक्ष द्विवेदीलाई मंसिर ६ गते राष्ट्रपति रामचन्द्र पौडेलले नेपाली सेनाको मानार्थ प्रधानसेनापति महारथीको फुलि लगाउने कार्यक्रम रहेको बताइएको छ ।
उनले नेपालका प्रधानमन्त्री केपी शर्मा ओली, रक्षामन्त्री मानवीर राई, गृहमन्त्री रमेश लेखक, परराष्ट्र मन्त्री डा. आरजु राणाका साथै नेपाली समकक्षी प्रधानसेनापति अशोकराज सिग्देललगायतसँग भेट्ने कार्यक्रम रहेको स्रोतले जानकारी दिएको छ ।
लोकप्रिय समाचार
