काठमाडौं, पुस- ९ ।
इङ्लिस प्रिमियर लिग फुटबल अन्तर्गत गएराति भएको खेलमा टोटनह्याम हट्सपरले एभर्टनलाई फराकिलो गोल अन्तर्ले हराएको छ ।
फराकिलो गोल अन्तरमा हराउने क्रममा टोटनह्याम ६–२ ले विजयी भएको हो ।
एभर्टनलाई उसैको घरेलु मैदानमा हराउदा टोटनह्यामका लागि सन हिउङ मिन र ह्यारी केनले २–२ गोल गरे भने क्रिश्चियन एरिक्सन र डेले अलीले थप एक–एक गोल गरे ।
जितपछि टोटेनह्याम हट्सपरले दोस्रो स्थानको म्यान्चेष्टर सिटीसँगको दूरीलाई कम गर्दै २ अंकमा झारेको छ ।
लिगमा १८ खेलबाट टोटनह्यामको ४२ अंक छ भने म्यान्चेष्टर सिटीको ४४ अंक रहेको छ त्यस्तै ४८ अंकसहित लिभरपुल शीर्ष स्थानमा यथावत छ ।
हिजो रातिको जितपछि टोटनह्याम चौथो स्थानको चेल्सी र पाँचौ स्थानको आर्सनल भन्दा पाँच अंकले अगाडि अगाडि छ ।
लोकप्रिय समाचार
