दक्षिण भारतीय सुपरस्टार अल्लू अर्जुनका प्रशंसकहरुका लागि एउटा चिन्तित बनाउने खबर सार्वजनिक भएको छ । वास्तवमा बुधवार साँझ हैदराबादको सन्ध्या थिएटरमा फिल्म ‘पुष्पा २’ को प्रीमियर शो आयोजना गरिएको थियो ।त्यहाँ आफ्ना प्रशंसकहरुसंग भेटघाट गर्ने उद्देश्यले अभिनेता अल्लू अर्जुन पूर्व सूचित नगरि पुगेका थिए ।
आफ्ना मनपर्ने सुपरस्टार सिनेमा हलमा आएको खबरले त्यहाँ ठूलो भिडभाड भयो । भिडभाडकै क्रममा अभिनेतालाई हेर्नका लागि भागदौड नै मच्चियो ।
अहिले आएर यो प्रकरणलाई गम्भिरतापूर्वक लिँदै प्रहरीमा उजुरी नै दर्ता गरिएको छ । उक्त उजुरीमा अभिनेता अल्लू अर्जुनलाई आरोपी मानिएको छ । साथै सन्ध्या थिएटरको व्यवस्थापनविरुद्ध पनि मुद्दा परेको छ । उक्त दुर्घटनामा परि एक जना महिलाको निधन भएको छ भने उनका छोरा अचेत भएका थिए ।
लोकप्रिय समाचार
