काठमाडौं, पुस- १२ ।
इङलिस प्रिमियर लिग फुटबल अन्तर्गत म्यान्चेस्टर सिटीले लगातार दोस्रो हार व्यहोरेको छ ।
क्रिष्टमसको भोलिपल्ट ‘बक्सीङ डे’ मा भएको खेलमा म्यान्चेस्टर सिटीलाई लेस्टर सिटीले २-१ गोल अन्तरले पाखा लगायो ।
खेलमा लेस्टर्को जितमा मार्क अल्ब्राइटन र रिकार्डो परेराले एक एक गोल गरे ।
लेस्टर सिटीले अघिल्लो हप्ता चेल्सीलाई हराएको थियो । म्यान्चेस्टर सिटीका बर्नार्डो सिल्भाले पहिलो गोल गरेका थिए ।
गएराती भएका अन्य खेलहरुमा लिभरपुल, चेल्सी र म्यान्चेस्टर युनाइटेड आ-आफ्नो खेलमा विजयी भए ।
चेल्सीले वाट्फोर्डमाथि २–१ को जित निकाल्दा शीर्ष स्थानको लिभरपुलले न्युकासल युनाइटेडलाई ४–० ले हरायो ।
त्यस्तै म्यान्चेस्टर युनाईटेडले हडर्सफिल्ड टाउनलाई ३–१ ले हराउँदा टोटनह्याम हट्सपरले बर्नमाउथमाथि ५–० को फराकिलो जित निकाल्यो ।
आर्सनलले ब्राईटनसँग १–१ गोलको बराबरी खेल्दा एभर्टनले भने बर्न्लेलाई ५–१ ले पराजित गर्यो ।
यसैगरी क्रिष्टल प्यालेस र कार्डिफ सिटीले गोलरहित बराबरीमा चित्त बुझाउदा वुल्भरह्याम्पटन वान्डरर्सले फुल्हमसँग १–१ गोलको बराबरी खेल्यो ।
गएरातीका खेलहरुपछि प्रिमियर लिग फुटबलको अंक तालिकामा १९ खेलबाट ५१ अंक जोडेको लिभरपूल शीर्ष स्थानमा यथावत छ ।
समान खेलबाट ४५ अंक जोडेको टोटनह्याम दोस्रो स्थानमा रहदा ४४ अंकसहित म्यान्चेस्टर सिटी तेस्रो स्थानमा झर्यो चौथो स्थानको चेल्सीको भने ४० अंक रहेको छ ।
३८ अंकसहित आर्सनल पाँचौ तथा ३२ अंकसहित म्यान्चेस्टर युनाइटेड छैठौं स्थानमा रहेका छन ।
