काठमाडौं । नेपालको सबैभन्दा जेठो म्युजिक कम्पनी म्युजिक नेपालले नयाँ नयाँ प्रतिभाहरुलाई नेपाली संगीत बजारमा परिचय गराउने कार्यहरु गर्दै आइ रहेको छ । यसै क्रममा नयाँ साँगीतिक ब्याण्ड कथन नेपालको नयाँ गीत सार्वजनिक गरेको छ ।
लाखे प्रोडक्सनले निर्माण गरेको ‘उडायो’ बोलको सार्वजनिक गीतको भिडियोमा चित लामाको निर्देशन रहेको छ । भिडियोमा अरुण अमात्य,रियान बागवानी, आबिस्कार शर्मा, उत्सव लामिछाने, जमुना रिजाल फिचर्ड छन् । सुनेश श्रेष्ठ (अस्ट्रेलिया) र अमृत सुनुवार (नेपाल) डिओपी रहेको भिडियोको सम्पादन मदन घिमिरेले र कलर चानस पुन मगरको रहेको छ ।
नेपाल रहदा पनि नेपाली गीत संगीतमा लगाव भएका र हाल प्रवासमा रहेर पनि नेपाली गीत संगीतमा केही गर्छु भन्ने गायक संगीतकारहरुलाइ प्रोत्साहन गर्न म्युजिक नेपालले यस्ता प्रोजेक्टहरु निरन्तर गर्ने बताएको छ । “उडायो” बोलको भिडियो म्युजिक नेपालको अफिसियल च्यानल मार्फत सार्वजनिक गरिएको छ ।
भिडियोले दर्शकको मन जित्नेमा निर्माण टिम ढुक्क छ । भिडियो अस्ट्रेलिया र नेपालका विभिन्न रमणीय स्थानहरुमा छायांकन गरिएको छ।
