शंकरापुरमा टिपर अनियन्त्रित भएर आश्रयस्थलको कोठामा पल्टिँदा तीन जनाको मृत्यु

काठमाडौँको शंकरापुर नगरपालिका-६, सलम्बुटारस्थित बेवारिसे बालबालिकाहरूको आश्रयस्थलमा टिपर अनियन्त्रित भएर पल्टिँदा तीन जनाको मृत्यु भएको छ।

द्वन्द्वपीडित तथा अपांग समाज नेपाल (सीभीडीएस) द्वारा सञ्चालित उक्त आश्रयस्थलमा आज बिहान सवा ३ बजेतिर बा २ क ६५८० नम्बरको टिपर अनियन्त्रित भएर आश्रयस्थलमा पुगेको थियो।

अनियन्त्रित टिपरको ठक्करबाट २१ वर्षका दुई जना र ४५ वर्षका एक गरी तीन जनाको मृत्यु भएको बौद्ध प्रहरीले हिमालप्रेसलाई जानकारी दिएको छ।  प्रहरीका अनुसार टिपर चालकलाई नियन्त्रणमा लिइएको छ। घटनाबारे प्रहरीले अनुसन्धान जारी राखेको छ।