नेकपा एमालेका महासचिव शंकर पोखरेलले कतिपय भारतीय नेता, धर्मगुरु र प्रशासकहरूले नेपालमा हिन्दूराजाको आवश्यकताको चर्चा गरिरहेको भन्दै टिप्पणी गरेका छन् ।
नेता पोखरेलले आज सामाजिक सञ्जाल फेसबुकमार्फत नेपालको बारेमा चासो राख्नुभन्दा भारतमा नै ती हिन्दू धर्मावलम्बी राजा र महाराजाहरूलाई पुनर्स्थापित गर्न सुझाव दिएका छन् । तर भारतको संविधानले त्यसो गर्न नदिने उल्लेख गर्दै पोखरेलले नेपालको हकमा पनि उस्तै भएको जवाफ दिएका छन् ।
उनले लेखेका छन्– ‘ब्रिटिसहरूले भारतमा उपनिवेश चलाइरहँदा ५५० भन्दा बढी रियासतहरुलाई आफ्नो अधीनमा राखेका थिए ।
तिनीहरूमा अधिकांशमा राजा, नवाव र महाराजाहरू थिए । त्यसमध्ये अधिकांश हिन्दू थिए । जसलाई विष्णुको अवतारका रुपमा मान्ने संस्कृति पनि थियो । सरदार वल्लवभाइ पटेलले भारतीय स्वतन्त्रता पछि ती रियासतहरुलाई अन्त्य गरेका थिए ।’
लोकप्रिय समाचार
