काठमाडौं, पुस- १७ ।
अष्ट्रेलियाको बिग बास क्रिकेट लिगमा नेपाली राष्ट्रिय टिमका लेग स्पिनर सन्दीप लामिछाने रहेको टिम मेलबर्न स्टार्सले आज लिगको चौथो खेल खेल्दैछ ।
यसअघिका भएका तिनमध्ये एक खेल मात्रै जितेको मेलबर्न स्टार्सले आज आफ्नै राज्यको प्रतिद्धन्दी मेलबर्न रेनेगेड्स विरुद्ध खेल्न लागेको हो ।
खेल नेपाली समयअनुसार दिउँसो २ बजे मेलवर्नमा शुरु हुदैछ ।
प्रतियोगितामा नेपालका लेग स्पिनर लामिछानेले उत्कृष्ट प्रदर्शन गरिरहेका छन् ।
तिन खेलमा ७ विकेट लिएका लामिछाने सर्वाधिक विकेट लिने खेलाडीहरुको सुचीमा चौथो स्थानमा रहेका छन् ।
सिड्नी सिक्सर्सका स्टिभ ओकिफ ९ विकेटसहित शिर्ष स्थानमा छन् ।
आजको खेलमा विजयी भए सन्दिपको टोली मेलबर्न स्टार्सको सुपुर फोरमा पुग्ने सम्भावना वलियो बन्नेछ ।
मेलवर्न स्टार्स २ अंक सहित छैटौं स्थानमा रहँदा मेलवर्न रेनेगेड्स भने ४ अंक सहित दोस्रो स्थानमा रहेको छ ।
