भारतमा आगामी ग्रीष्म ऋतु सामान्यभन्दा बढी तातो हुने देशको मौसम पूर्वानुमान कार्यालयले जनाएको छ । गर्मीले जीवन र जीविकोपार्जनमा प्रभाव पार्ने भारतीय मौसम विभाग (आइएमडी) ले चेतावनी दिएको छ । हुन त भारत गर्मीका लागि अपरिचित देश होइन, तर जलवायु परिवर्तनले तातो लहर पहिलेभन्दा लामो, तारन्तार र अधिक तीव्र हुँदै गएको पत्ता लगाएको छ ।
भारतमा ग्रीष्म ऋतु अप्रिलदेखि जुनसम्म रहन्छ । यो अवधिमा मौसमको उच्च तापक्रम प्रायः ४५ डिग्री सेल्सियस (११३ डिग्री फरेनहाइट) नाघेको हुन्छ । यस वर्ष गर्मी मौसममा देशका अधिकांश भागमा सामान्यभन्दा अधिकतम तापक्रम देखिने आइएमडीले सोमबार राति एक पूर्वानुमानमा भनेको छ । उच्च गर्मीले शिशु, वृद्ध, कमजोर र खुला वातावरणमा काम गर्ने श्रमिकहरू उच्च जोखिममा पर्छन् ।
उच्च तापक्रम लामो समय रहँदा विद्युतीय ग्रिड र यातायात प्रणालीजस्ता पूर्वाधारमाथि पनि दबाब पर्छ । आइएमडीले ती चुनौतीलाई सम्बोधन गर्न गर्मी कार्ययोजना तयार गर्नुपर्ने बताइएको छ ।
