नेपाली बजारमा बिहीबार (आज) सुनको मूल्यले नयाँ रेकर्ड कायम गरेको छ ।
सुनको मूल्य आज एकैदिन तोलामा ५ हजार ७०० रुपैयाँले बढेसँगै अहिलेसम्मकै महँगो बनेको हो ।
आज सुनको मूल्य तोलाको १ लाख ८१ हजार १०० रुपैयाँ कायम भएको नेपाल सुन चाँदी व्यवसायी महासंघले जनाएको छ । यसअघि चैत २१ गते सुनको मूल्य प्रतितोला १ लाख ८० हजार ३०० रुपैयाँमा कारोबार हुँदै रेकर्ड राखेको थियो । तर आज त्यसमा ८ सय रुपैयाँ थपिँदै अहिलेसम्मकै महँगो भएको हो । बुधबार सुन प्रतितोला १ लाख ७५ हजार ४०० रुपैयाँमा कारोबार भएको थियो ।
लोकप्रिय समाचार
